Перайсці да зместу

Адлегласць (альбом)

З Вікіпедыі, свабоднай энцыклапедыі
Адлегласць
Вокладка альбома «Адлегласць» ()
музычны альбом J:морс
Дата выпуску 2007
Жанр рок-музыка і поп-рок
Працягласць 41 хв.
Прафесійныя рэцэнзіі
experty.by 7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак7.75 з 10 зорак[1]

«Адлегласць» — першы беларускамоўны альбом гурта «J:морс». Запісваўся цягам 2003—2007 гадоў на студыях «Бегемот», «Селах» і «Меца-Фортэ».

Канцэпцыя

[правіць | правіць зыходнік]

Ідэя запісаць беларускамоўны альбом з'явілася ў калектыву ў 2004 годзе, пасля зваротаў наконт гэтага гледачоў на канцэртах[2]. У верасні 2007 году Уладзімір Пугач запісаў песню «Беларускае золата», а 17 кастрычніка выйшаў аднайменны інтэрнэт-сінгл[3]. Сярод 11 песняў альбому 6 запісаў выдаваліся ўпершыню. Некаторыя з іх спалучалі ў сабе сум з самаіроніяй (песні «Беларускае золата», «Няпраўда» ды «Зорка Венера»)[4]. У сувязі з выданнем кружэлкі 20 лістапада беларускае прадстаўніцтва амерыканскага прадпрыемства «Apple Inc.» выпусціла 100 "iPod nano" з гравіроўкай «Адлегласці»[5]. Першае ж канцэртнае прадстаўленне альбому адбылося 2 снежня ў «West World Club» у Мінску[6]. 24 лютага 2008 году ў Бярэсці «J:морс» паспяхова распачаў свой канцэртны тур з альбомам па Беларусі[7]. Па выніках 2008 года ў сетцы дыскарняў «Містэрыя гуку» продажы альбома «Адлегласць» склалі каля 10’000 тысячаў дыскаў, што дазволіла яму стацца другім па прадавальнасці[8]. Альбом таксама трапіў у дзесятку найбольш прадаваных выдавецтвам «West Records» у 2008 годзе[9].

Змест

[правіць | правіць зыходнік]
№ Назва Працягласць
1. «Беларускае золата» 03:32
2. «Маё сонца» (пераклад Рамана Арлова з рускай) 02:58
3. «Няпраўда» 03:57
4. «Жыві» (выдавалася ў ранейшым альбоме) 03:54
5. «Вярба» 03:41
6. «Глядзі» (пераклад Рамана Арлова з рускай) 03:35
7. «Зорка Венера» 03:48
8. «Горад» 03:49
9. «Так-цік-так» 03:47
10. «Паветра» (выдавалася ў ранейшым альбоме[10]) 03:18
11. «Адлегласць» 03:50

Кароткаметражны фільм

[правіць | правіць зыходнік]

Кароткаметражны фільм «Адлегласць: падарожжа па Беларусі» (14 хвілін 24 секунды):

«Жыхары сталіцы (мы іх не бачым, але здагадваемся, што гэта музыкі J:морс) сядаюць на аўто і чатыры разы імчаць з Мінску на чатыры кірунку свету. І штораз яны вандруюць на скрай Беларусі, здымаючы выбітныя, але малазнаёмыя нашаму грамадству, помнікі старасветчыны. Гэта пераважна культавыя пабудовы розных канфесіяў, а дакладней тое, што ад іх засталося ў змаганні з віхурай часу. Рэзкія восеньскія фарбы. Аблокі, што шпарка ляцяць у свінцовым небе. Нясціханы вецер. Пейзажы, якія ўзрушваюць і схіляюць да роздуму. Глядач знаёміцца толькі з дванаццацю помнікамі архітэктуры, якія знаходзяцца на мяжы нашай краіны. А іх, гэтых помнікаў, насамрэч, амаль тысяча, і бальшыня з іх месціцца значна бліжэй да сталіцы. Трэба іх толькі заўважыць[4].»

Удзельнікі

[правіць | правіць зыходнік]
  • Уладзімір Пугач — музыка (да 1, 4, 6, 7, 9 песень), словы (да 1-4, 6, 7, 9, 10 песень), ідэя і здымкі відэа.
  • Раман Арлоў — музыка (да 2, 3, 7, 8, 10, 11 песень), словы (да 3, 7-11 песень).
  • Алесь Зайцаў — звядзенне і мастарынг, акрамя звядзення 1, 5 песень (А. Баброўка).
  • Зміцер Бескаравайны — ідэя і кіраўнік відэа.
  • У. Казаноўскі — дызайн.
  • Ю. Федарэнка — фота.
  • А. Савіцкі — здымкі і мантаж відэа.

Зноскі

  1. ↑ J:морс "Адлегласць" (+аўдыё). experty.by.
  2. ↑ «J:морс» выпусціў першы беларускі альбом(недаступная спасылка)// Наша Ніва. №43 (545), 22 лістапада 2007. Старонка 16.
  3. ↑ «J:морс» рыхтуе першы беларускамоўны альбом(недаступная спасылка)// Сайт «Generation.by». 17 кастрычніка 2007
  4. ↑ а б Сяргей Балахонаў. J:морс — Адлегласць Архівавана 8 студзеня 2011.// Тузін Гітоў. 11 снежня 2007
  5. ↑ J:мoрс стаў беларускамоўным Архівавана 22 чэрвеня 2008.// Тузін Гітоў. 21 лістапада 2007
  6. ↑ Зрэшты, знаёмся: новы альбом J:морс «Адлегласць»(недаступная спасылка)// Сайт «Generation.by». 28 лістапада 2007
  7. ↑ Сяргей Будкін. «J:морс» натхняецца вясной Архівавана 8 студзеня 2011.// Тузін Гітоў. 25 лютага 2008
  8. ↑ Сяргей Будкін. Дарафееву з Афанасьевай не купляюць// Радыё «Рацыя». 3 сакавіка 2009
  9. ↑ West Records падвёў свае музычныя вынікі(недаступная спасылка)// Тузін Гітоў. 5 студзеня 2009
  10. ↑ Беларускамоўны альбом «J:Морс» з'явіцца 20 лістапада(недаступная спасылка)// Сайт «Generation.by». 6 лістапада 2007

Спасылкі

[правіць | правіць зыходнік]
Узята з "https://be.wikipedia.org/w/index.php?title=Адлегласць_(альбом)&oldid=5084399"