Альберт Ладэнбург

Альберт Ладэнбург
ням.: Albert Ladenburg
Дата нараджэння	2 ліпеня 1842(1842-07-02)
Месца нараджэння	Мангейм, Вялікае Герцагства Бадэн, Германскі саюз
Дата смерці	15 жніўня 1911(1911-08-15) (69 гадоў)
Месца смерці	Брэслау, Брэслаўскі ўрадавы рэгіён, правінцыя Сілезія, Каралеўства Прусія, Германскі рэйх
Грамадзянства	Вялікае Герцагства Бадэн
Бацька	Leopold Ladenburg[d]
Маці	Delphine Ladenburg[d]
Жонка	Margarete Ladenburg[d]
Дзеці	Rudolf Ladenburg[d]
Род дзейнасці	хімік, выкладчык універсітэта
Навуковая сфера	арганічная хімія
Месца працы	Універсітэт імя Хрысціяна Альбрэхта Гайдэльбергскі ўніверсітэт Уроцлаўскі ўніверсітэт
Навуковая ступень	доктарская ступень[d]
Альма-матар	Гайдэльбергскі ўніверсітэт
Навуковы кіраўнік	Роберт Вільгельм Бунзен
Член у	Леапальдзіна Пруская акадэмія навук
Узнагароды	медаль Дэві[d] (1905) Q134613391? (1895)
Медыяфайлы на Вікісховішчы

Альберт Ладэнбург (ням.: Albert Ladenburg; 2 ліпеня 1842, Мангейм, Вялікае герцагства Бадэн — 15 жніўня 1911, Брэслаў, Германская імперыя) — нямецкі хімік-арганік.

Біяграфія

Нарадзіўся ў Мангейме яўрэйскай сям’і. Пачатковую адукацыю атрымаў у мангеймскай гімназіі, а затым да 15 год вучыўся ў тэхнічнай школе горада Карлсруэ, дзе вывучаў матэматыку і сучасныя мовы. Працягнуў навучанне ў Гайдэльбергскім універсітэце, у якім вывучаў хімію і фізіку ў Роберта Бунзена. Таксама вывучаў фізіку ў Берліне. Дысертацыю на доктарскую ступень (PhD) абараніў ў Гайдэльбергу.

Прапрацаваў 6 месяцаў у горадзе Гент у Фрыдрыха Кекуле, які азнаёміў яго са структурнай тэорыяй. Яны займаліся вывучэннем будовы бензолу. Тэорыя Ладэнбурга пра тое, што малекула бензолу мае прызматычную форму, аказалася памылковай.

Ладэнбург наведаў Англію, а затым адправіўся на працу ў Парыж, дзе 18 месяцаў прапрацаваў разам з Шарлем Адольфам Вюрцам і Шарлем Фрыдэлем над вывучэннем кремнійарганічных злучэнняў і злучэнняў волава. Пасля вярнуўся ў Гайдэльберг на пасаду выкладчыка.

У 1873 годзе Ладэнбург стаў прафесарам і загадчыкам лабараторыі ва Універсітэце Хрысціяна Альбрэхта ў Кілі. У 1889 годзе перайшоў на тую ж пасаду ва ўніверсітэт Брэслаў. У 1886 годзе быў абраны ганаровым членам Фармацэўтычнага таварыства Вялікабрытаніі. У 1889 г. атрымаў Медаль Хенбэры за арыгінальныя працы ў галіне хіміі.

У 1880 годзе Ладэнбург першым атрымаў гіясцын, таксама вядомы як скапаламін. У 1900 годзе заснаваў Хімічнае таварыства Брэслаў, якім кіраваў да 1910 года.