Перайсці да зместу

Аляксандра Марыяна Весялоўская

З Вікіпедыі, свабоднай энцыклапедыі
Аляксандра Марыяна Весялоўская
Яніна[d]
Яніна[d]
Нараджэнне XVI стагоддзе
Смерць 14 жніўня 1645(1645-08-14)
Месца пахавання
Род Сабескія
Бацька Марак Сабескі[d][2]
Маці Ядвіга са Снапкоўскіх[d]
Муж Крыштаф Весялоўскі[3]
Грамадзянства
Веравызнанне Каталіцкая Царква

Аляксандра Марыяна Весялоўская (польск.: Aleksandra Marianna Wiesiołowska; ? — 14 верасня 1645) — жонка Крыштафа Весялоўскага, дзяржаўнага дзеяча Вялікага княства Літоўскага, маршалка вялікага літоўскага (у 1635—1637).

Біяграфія

[правіць | правіць зыходнік]

Прадстаўніца польскага дваранскага роду Сабескіх герба Яніна, узыходзячага да XVI стагоддзя, дачка польскага магната, ваяводы люблінскага Марака Сабескага (1549/1550—1605) ад першага шлюбу з Ядзвігай Снапкоўскай.

Выйшла замуж за тады крайчага вялікага літоўскага Крыштафа Весялоўскага.

Шлюб быў бяздзетны. Муж і жонка выхавалі пляменніцу Аляксандры прыёмную дачку Грызельду Вадынскую, будучую жонку Яна Станіслава Сапегі, маршалка вялікага літоўскага (з 1621).

У 1634 годзе Аляксандра Марыяна разам з мужам на свае сродкі заснавалі касцёл Звеставання Найсвяцейшай Панны Марыі і кляштар брыгітак у Гродне.

Пасля смерці мужа ў 1637, Аляксандра Марыяна ўступіла ў заснаваны ёю манастыр, у якім служыла ў якасці ігуменні.

У гродзенскім касцёле Дабравешчання Найсвяцейшай Панны Марыі знаходзіўся яе партрэт у адзенні манашкі, які цяпер разам з партрэтам мужа Крыштафа Весялоўскага і прыёмнай дачкі Грызельды Вадынскай (Сапегі) захоўваецца ў калекцыі Нацыянальнага мастацкага музея Рэспублікі Беларусь у Мінску.

Партрэты Крыштафа Весялоўскага, Грызельды Вадынскай (Сапегі) і Аляксандры Марыяны Весялоўскай (з Сабескіх) на паштовай марцы Беларусі. 2007 г.

Зноскі

  1. ↑ Т. Яшчолт, Г. Рыжэўскі Крыштаф Весялоўскі гербу Агеньчык і яго тэстамент // Архіварыус — Мн.: Дзяржкамархіў, Нацыянальны гістарычны архіў Беларусі, 2008. — вып. 6. — С. 90, 91. — ISSN 2225-4412
  2. ↑ а б Т. Яшчолт, Г. Рыжэўскі Крыштаф Весялоўскі гербу Агеньчык і яго тэстамент // Архіварыус — Мн.: Дзяржкамархіў, Нацыянальны гістарычны архіў Беларусі, 2008. — вып. 6. — С. 91. — ISSN 2225-4412
  3. ↑ Т. Яшчолт, Г. Рыжэўскі Крыштаф Весялоўскі гербу Агеньчык і яго тэстамент // Архіварыус — Мн.: Дзяржкамархіў, Нацыянальны гістарычны архіў Беларусі, 2008. — вып. 6. — С. 88, 91. — ISSN 2225-4412

Літаратура

[правіць | правіць зыходнік]
  • Borkowska M. OSB, Leksykon zakonnic polskich epoki przedrozbiorowej. Tom III. Polska Centralna i Południowa, Wydawnictwo DiG, Warszawa 2008, ISBN 83-7181-398-8.
  • Kamieniecka E., Z zagadnień sztuki Grodna połowy XVII wieku, (w:) Lorentz S., Michałowski K., Rocznik Muzeum Narodowego w Warszawie, t. XVI, Warszawa 1972.
  • Podhorodecki L., Sobiescy herbu Janina, Ludowa Spółdzielnia Wydawnicza, Warszawa 1981, ISBN 83-205-3234-5.
Узята з "https://be.wikipedia.org/w/index.php?title=Аляксандра_Марыяна_Весялоўская&oldid=4408329"