Аляксандр Анатолевіч Шырвінт

Аляксандр Анатолевіч Шырвінт
Імя пры нараджэнні	руск.: Александр Анатольевич Ширвиндт
Род дзейнасці	тэатральны рэжысёр, сцэнарыст, гумарыст, акцёр, тэатральны педагог, тэлевядучы, кінарэжысёр
Дата нараджэння	19 ліпеня 1934(1934-07-19)
Месца нараджэння	Масква, РСФСР, СССР
Дата смерці	15 сакавіка 2024(2024-03-15) (89 гадоў)
Месца смерці	Масква, Расія
Грамадзянства	СССР  Расія
Бацька	Anatoly Shirvindt[d]
Дзеці	Mikhail Shirvindt[d]
Месца працы	Маскоўскі акадэмічны тэатр сатыры[d]
Альма-матар	Тэатральны інстытут імя Барыса Шчукіна (1956)
Узнагароды і прэміі	ордэн «Ключ дружбы»[d] Расійская нацыянальная акцёрская прэмія імя Андрэя Міронава «Фігаро»[d] прэмія «Ніка» «Гонар і годнасць»[d]
Медыяфайлы на Вікісховішчы

Аляксандр Анатолевіч Шырвінт (руск.: Алекса́ндр Анато́льевич Ши́рвиндт; 19 ліпеня 1934(1934-07-19), Масква — 15 сакавіка 2024(2024-03-15), Масква) — савецкі і расійскі акцёр тэатра і кіно, тэатральны рэжысёр, сцэнарыст, педагог, тэлевядучы, пісьменнік-мемуарыст; народны артыст РСФСР (1989). Поўны кавалер ордэна «За заслугі перад Айчынай».

Прэзідэнт Маскоўскага акадэмічнага тэатра сатыры з 16 лістапада 2021 года, у 2000—2021 гадах быў мастацкім кіраўніком.

Біяграфія

У 1956 годзе з адзнакай скончыў Тэатральнае вучылішча імя Б. В. Шчукіна (курс Веры Канстанцінаўны Львовай) і быў прыняты ў трупу Тэатра-студыі кінаакцёра. У тым жа годзе сыграў сваю першую ролю ў кіно — эстраднага спевака Вадзіма Сцяпанавіча Ухава ў фільме «Яна вас любіць!» (рэж. Сямён Дзеравянскі і Рафаіл Сусловіч).

У 1957 годзе прыняты ў трупу тэатра імя Ленінскага камсамола і залічаны ў штат кінастудыі «Масфільм». У 1967 годзе разам з рэжысёрам Анатолем Эфрасам і некалькімі іншымі акцёрамі перайшоў у Маскоўскі драматычны тэатр на Малой Броннай.

У сакавіку 1970 года па запрашэнні сваіх сяброў Міхаіла Дзяржавіна, Марка Захарава і Андрэя Міронава пачаў працаваць у Маскоўскім акадэмічным тэатры сатыры, быў уведзены на ролю графа Альмавівы ў спектаклі «Вар’яцкі дзень, або Жаніцьба Фігара».

У 1979 годзе паставіў спектакль «Яе правасхадзіцельства» паводле п’есы Самуіла Алёшына, у 1982 годзе «Канцэрт для тэатра з аркестрам» (аўтар сцэнарыя сумесна з Рыгорам Горыным).

Актыўна працаваў на эстрадзе як рэжысёр і канферансье.

Фільмаграфія

• «Прыходзьце заўтра...» (1963) — Вадзім («Станіслаўскі»), студэнт Гнесінкі
• «Іронія лёсу, або З лёгкай парай!» (1975) — Паўлік, сябар Жэні Лукашына
• «Вакзал для дваіх» (1982) — Аляксандр Анатолевіч (Шурык), піяніст у прывакзальным рэстаране
• «Прынцэса цырка» (1982) — Фірэлі
• «Мільён у шлюбным кошыку» (1985) — Леаніда Папагата
• «Самая абаяльная і прывабная» (1985) — Аркадзь, муж Сусаны
• «Мастацтва жыць у Адэсе» (1989) — Тартакоўскі
• «Бабнік» (1990) — Аркадзь
• «Стракатыя прыцемкі» (2009) — Аляксандр Бялых, джазавы піяніст

Бібліяграфія

• А. Ширвиндт. «Проходные дворы биографии». — М.: Азбука-Аттикус, КоЛибри, 2013. — 312 с. — ISBN 978-5-389-05590-2.