Аляксандр Мікалаевіч Казлоўскі

З пляцоўкі Вікіпедыя
Jump to navigation Jump to search
Аляксандр Мікалаевіч Казлоўскі
Дата нараджэння 1832
Месца нараджэння
Дата смерці 1890
Грамадзянства
Род дзейнасці інжынер
Месца працы
Альма-матар

Аляксандр Мікалаевіч Казлоўскі (1832, Мсціслаўскі павет — 1890) — беларускі вучоны ў галіне меліярацыі сельскагаспадарчых зямель, прафесар (1860).

Біяграфія[правіць | правіць зыходнік]

Нарадзіўся ў сям'і збяднелага шляхціца рымска-каталіцкага веравызнання. У 1848 г. пасля заканчэння Мінскай гімназіі паступіў у Горы-Горацкі земляробчы інстытут, які ў 1852 г. закончыў са званнем агранома ў чыне дзесятага класа (калежскі рэгістратар).

У 1853 г. камандзіраваны Дэпартаментам сельскай гаспадаркі ў Германію i Бельгію, а ў 1858 г. — у Англію для вывучэння досведу выкарыстання дрэнажу. У 1856—1860 гг. працаваў інжынерам, а з 1860 г. — прафесарам механікі і архітэктуры Горы-Горацкага земляробчага інстытута. Дасканала вывучаў вопыт прымянення дрэнажу ў Заходняй Еўропе і Прыбалтыцы. У 1856—1862 гг. прафесарам А. М. Казлоўскім упершыню на тэрыторыі сучаснай Беларусі на вучэбнай ферме Горы-Горацкага інстытута закладзены ганчарны дрэнаж. Дрэніраванне ажыццяўлялася ў мэтах асушэння мінеральных суглінкавых глеб і нізінных тарфянікаў, замкнутых забалочаных лагун, лугоў, а таксама для зніжэння напору грунтавых вод у ніжніх частках адхонаў буйных каналаў, каб прадухіліць іх абрушванне.

Дрэнажныя работы ў Горках з'явіліся першым айчынным доследам асушэння сельскагаспадарчых зямель з прымяненнем ганчарных трубак. Шматлікія даследаванні дрэнажнай сістэмы А. М. Казлоўскага, праведзеныя ў 1850-1860-х гг. вучонымі-меліяратарамі, дазволілі зрабіць вывад аб высокай вартасці ганчарнага дрэнажу — яго даўгавечнасці і надзейнасці пры ўмове добрай эксплуатацыі і доглядзе за збудаваннямі.

За ўдзел у нацыянальна-вызваленчым паўстанні 1863 г. у Горках высланы на 6 гадоў з Беларусі ў Таўрыйскую губерню, дзе працаваў аграномам-інжынерам гідрамеліярацыі, да 1869 г. займаўся абвадненнем зямель.

Зноскі

Літаратура[правіць | правіць зыходнік]

  • Казлоўскі Аляксандр Мікалаевіч // Энцыклапедыя гісторыі Беларусі : у 6 т. / рэдактар Г. П. Пашкоў. — Мінск, 1997. — Т. 4. — С. 11.
  • Первые исследования эффективности дренажных систем // Лившиц В. М., Немыкин В. В., Цыганов А. Р. Горы-Горецкий земледельческий институт. Выдающиеся учёные и профессора. — Горки, 1999. — С. 113—116.
Wiki letter w.svg На гэты артыкул не спасылаюцца іншыя артыкулы Вікіпедыі,
калі ласка, карыстайцеся падказкай і пастаўце спасылкі ў адпаведнасці з прынятымі рэкамендацыямі.