Аляксандр Міхайлавіч Стрыгалёў

Аляксандр Міхайлавіч Стрыгалёў
Асабістыя звесткі
Дата нараджэння	24 сакавіка 1968(1968-03-24) (56 гадоў)
Месца нараджэння	Перм, Пермская вобласць, РСФСР, СССР
Грамадзянства	СССР  Беларусь
Бацька	Міхась Стрыгалёў
Альма-матар	Літаратурны інстытут імя А. М. Горкага
Месца працы	Нацыянальная дзяржаўная тэлерадыёкампанія Рэспублікі Беларусь Мінскі абласны выканаўчы камітэт[d]
Прафесійная дзейнасць
Род дзейнасці	паэт, перакладчык, журналіст
Мова твораў	руская
Грамадская дзейнасць
Член у	Саюз пісьменнікаў Беларусі
Прэміі	Спецыяльная прэмія Прэзідэнта Рэспублікі Беларусь дзеячам культуры і мастацтва

Аляксандр Міхайлавіч Стрыгалёў (нар. 24 сакавіка 1968) — паэт, перакладчык і журналіст.

Біяграфія

Нарадзіўся ў горадзе Перм. Сын паэта і перакладчыка Міхася Стрыгалёва. У 1994 годзе скончыў Літаратурны інстытут імя М. Горкага ў Маскве. У 1994—1997 гадах працаваў у музычнай рэдакцыі Беларускага радыё, у 1997—1998 гадах — у газеце «Беларускі трактарабудаўнік», з 1998 года — у газеце «Кантакт». З 2000 года А. М. Стрыгалёў у аддзеле інфармацыі і грамадскіх сувязей Упраўлення ўнутраных спраў Мінскага абласнога выканаўчага камітэта.

Творчасць

Друкавацца пачаў у 1986 годзе. Піша на рускай мове. Пераклаў на рускую мову кнігу М. Мятліцкага «Бабчын» (1997, разам з М. Стрыгалёвым), творы Я. Купалы, Я. Коласа, М. Танка, М. Багдановіча, П. Броўкі, У. Караткевіча, Г. Пашкова, А. Пысіна і інш. На некаторыя вершы А. Стрыгалёва напісаны песні.

Сярод апублікаванага:

• В саду вселенной. Стихотворения. Песни. Переводы. — Мн., 2002.

Літаратура

• Стрыгалёў Аляксандр Міхайлавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 214. — 10 000 экз. — ISBN 985-11-0035-8. — ISBN 985-11-0251-2 (т. 15).
• Республика Беларусь : энциклопедия : [в 7 т.]. / редкол.: Г. П. Пашков [и др.]. — Минск, 2008. — Т. 7.