Аляксандр Уладзіміравіч Грыгараў

Аляксандр Уладзіміравіч Грыгараў
Міністр спорту і турызму Рэспублікі Беларусь 6 ліпеня 2005 — 26 чэрвеня 2009
Прэзідэнт	Аляксандр Лукашэнка
Кіраўнік урада	Сяргей Сідорскі
Папярэднік	Юрый Сівакоў
Пераемнік	Яўген Ворсін
Нараджэнне	9 лістапада 1948(1948-11-09) (76 гадоў) Баранавічы, Баранавіцкая вобласць, БССР, СССР
Адукацыя	БДУФК Мінская вышэйшая партыйная школа
Навуковая ступень	кандыдат педагагічных навук
Узнагароды	Заслужаны трэнер БССР[d] (1984)

Алякса́ндр Уладзі́міравіч Гры́гараў (нар. 9 лістапада 1948, Баранавічы) — беларускі дзяржаўны дзеяч, міністр спорту і турызму Рэспублікі Беларусь (2005—2009).

Біяграфія

Скончыў Беларускі дзяржаўны інстытут фізічнай культуры і Мінскую вышэйшую партыйную школу.

Пасля службы ў Савецкай Арміі працаваў на розных пасадах у ЦС ДССТ «Ураджай», затым быў начальнікам упраўлення Рэспубліканскага ДФСТ прафсаюзаў, намеснікам старшыні Рэспубліканскага савета ДФСТ прафсаюзаў.

З 1987 па 1996 год узначальваў рэспубліканскі фізкультурна-спартыўны клуб «Спорт».

З 1996 па 2003 год займаў пасаду намесніка міністра спорту і турызму Беларусі.

З 2003 года быў саветнікам Выканаўчага камітэта СНД.

З ліпеня 2005 па чэрвень 2009 года — міністр спорту і турызму Рэспублікі Беларусь.

Быў старшынёй Беларускай федэрацыі бокса (2005—2010).

У цяперашні час узначальвае кафедру фізічнай культуры і спорту Беларускага дзяржаўнага аграрнага тэхнічнага ўніверсітэта.

Кандыдат педагагічных навук, прафесар.

Узнагароды

• Заслужаны трэнер БССР (1984).
• Заслужаны работнік фізічнай культуры і спорту Рэспублікі Беларусь (2000).

Спасылкі

• Старонка на сайце Прэс Дасье Архівавана 4 сакавіка 2016. (руск.)
• 9 лістапада Аляксандру Уладзіміравічу Грыгараву спаўняецца 65 гадоў(недаступная спасылка) (руск.)
• Біяграфія на сайце Хто ёсть хто ў Рэспублікі Беларусь Архівавана 18 верасня 2014. (руск.)