Аляксандр Якаўлевіч Пархоменка

Аляксандр Якаўлевіч Пархоменка
укр.: Олександр Якович Пархоменко
Дата нараджэння	12 (24) снежня 1886
Месца нараджэння	Макарыў Яр[d], Макара-Яраўская воласць[d], Славянасербскі павет[d], Кацярынаслаўская губерня, Расійская імперыя
Дата смерці	3 студзеня 1921(1921-01-03) (34 гады)
Месца смерці	Бузіўка[d], Бузаўская воласць[d], Тарашчанскі павет[d], Кіеўская губерня, Украінская Народная Рэспубліка
Грамадзянства	Расійская імперыя  УССР
Бітвы/войны	Грамадзянская вайна ў Расіі польска-савецкая вайна
Узнагароды і званні
Аўтограф
Медыяфайлы на Вікісховішчы

Аляксандр Якаўлевіч Пархоменка (12 (24) снежня 1886, в. Макараў Яр, Кацярынаслаўская губерня, Расійская імперыя — 3 студзеня 1921, УССР) — удзельнік грамадзянскай вайны ў Расіі на баку бальшавікоў

Біяграфія

Член РСДРП(б) з 1904 года. За рэвалюцыйную дзейнасць тройчы арыштаваны (1906, 1909, 1911). У 1916 годзе вёў рэвалюцыйную агітацыю сярод салдат. Удзельнік Лютаўскай рэвалюцыі 1917 года ў Маскве, у кастрычніку 1917 года ў Луганску, член павятовага камітэта РСДРП(б) і начальнік Чырвонай гвардыі. У 1918 годзе ўдзельнічаў у разгроме войск Каледзіна на Доне, у баях супраць нямецкіх акупантаў ва Украіне, у абароне Царыцына, у 1919 годзе — у ліквідацыі контррэвалюцыйнага мяцяжу атамана Грыгор’ева, абароне Харкава ад войск Дзянікіна. Са снежня 1919 года асобаўпаўнаважаны пры РВС 1-й Коннай арміі. З красавіка 1920 года — начальнік 14-й кавалерыйскай дывізіі 1-й Коннай арміі, ваяваў супраць войск Польшчы, Урангеля, Махно.

Загінуў у баі з махноўцамі.

Узнагароджаны 2 ордэнамі Чырвонага Сцяга.

Памяць

У Мінску яго імем названа вуліца (1951).

Літаратура

• Пархоменка Аляксандр Якаўлевіч // Беларуская савецкая энцыклапедыя. — Т. 8. — Мінск, 1975. — С. 292.
• Пархоменко Александр Яковлевич // Их именами названы…: энциклопедический справочник. — Мн., 1987. — С. 472—473.