Анатоль Уладзіміравіч Рубанаў

Анатоль Уладзіміравіч Рубанаў
Анатоль Уладзіміравіч Рубанаў
Дата нараджэння	17 лютага 1958 (66 гадоў)
Месца нараджэння	Мінск, БССР, СССР;
Грамадзянства	СССР; Беларусь;
Род дзейнасці	навуковец
Навуковая сфера	філасофія, сацыялогія і гісторыя
Месца працы	факультэт філасофіі і сацыяльных навук БДУ; Беларускі дзяржаўны ўніверсітэт культуры і мастацтваў; Інстытут філасофіі НАН Беларусі; Інстытут сацыялогіі НАН Беларусі;
Навуковая ступень	доктар сацыялагічных навук (1994)
Навуковае званне	прафесар;
Альма-матар	гістарычны факультэт БДУ (1981);
Вядомы як	спецыяліст у галіне палітычнай сацыялогіі, сацыялогіі адукацыі, сацыяльнай псіхалогіі
Сайт	ffsn.bsu.by/ru/personaln…

Анатоль Уладзіміравіч Руба́наў (нар. 17 лютага 1958, Мінск, БССР) — савецкі і беларускі і сацыёлаг, доктар сацыялагічных навук, прафесар.

Біяграфія[правіць | правіць зыходнік]

Нарадзіўся 17 лютага 1958 года ў горадзе Мінску.

Выпускнік гістарычнага факультэта Беларускага дзяржаўнага ўніверсітэта. Пасля заканчэння Беларускага дзяржаўнага ўніверсітэта ў 1981 годзе некаторы час займаўся выкладчыцкай дзейнасцю ва ўніверсітэце, адкуль быў прызваны для праходжання тэрміновай вайсковай службы ў Ваенна-марскі флот СССР.

З 1985 года з’яўляўся навуковым супрацоўнікам Мінскага інстытута культуры. З 1988 года працаваў у Акадэміі навук Беларусі: спачатку Інстытуце філасофіі і права, потым — у Інстытуце сацыялогіі Акадэміі навук Беларусі, з 1995 — вядучы навуковы супрацоўнік гэтага інстытута. У 1988 годзе абараніў дысертацыю на суісканне навуковай ступені кандыдата філасофскіх навук на тэму «Творчая актыўнасць маладога інжынера ва ўмовах навукова-тэхнічнага прагрэсу»^[1], у 1994 годзе — дысертацыю на суісканне навуковай ступені доктара сацыялагічных навук на тэму «Сацыяльны суб’ект: матывы і дзейнасць». З 1999 па 2006 гады — першы намеснік дырэктара Мінскага НДІ сацыяльна-эканамічных і палітычных праблем. З лютага 2006 года па студзень 2016 года працаваў дэканам факультэта філасофіі і сацыяльных навук Беларускага дзяржаўнага ўніверсітэта. Са студзеня 2016 года — прафесар кафедры сацыялогіі ФФСН Беларускага дзяржаўнага ўніверсітэта. Адначасова з 2007 года — галоўны рэдактар часопіса «Філасофія і сацыяльныя навукі». Аўтар больш за 130 навуковых публікацый.

Сфера навуковых інтарэсаў[правіць | правіць зыходнік]

Сацыялогія масавых паводзін
Сацыялогія асобы і сацыяльнае развіццё
Сацыялогія горада
Сацыялогія адукацыі
Палітычная сацыялогія
Сацыялогія сацыяльных змен

Зноскі

↑ «Творчая актыўнасць маладога інжынера ва ўмовах навукова-тэхнічнага прагрэсу» (руск.) (нявызн.) ?. Расійская дзяржаўная бібліятэка (21 жніўня 2017). Праверана 21 жніўня 2017.

Літаратура[правіць | правіць зыходнік]

Рубанаў Анатоль Уладзіміравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 418. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі[правіць | правіць зыходнік]

Рубанаў Анатоль Уладзіміравіч // «Персаналіі беларускай сацыялогіі». электронны даведнік
Рубанаў Анатоль Уладзіміравіч Архівавана 29 снежня 2019.
Рубанаў Анатоль Уладзіміравіч // Нацыянальная сацыялагічная энцыклапедыя
Рубанаў Анатоль Уладзіміравіч // Зводны электронны каталог бібліятэк Беларусі

[1] «Творчая актыўнасць маладога інжынера ва ўмовах навукова-тэхнічнага прагрэсу» (руск.) (нявызн.) ?. Расійская дзяржаўная бібліятэка (21 жніўня 2017). Праверана 21 жніўня 2017.

[1]