Андрэй Васілевіч Бурсаў
| Андрэй Васілевіч Бурсаў | |
|---|---|
| Асабістыя звесткі | |
| Дата нараджэння | 21 жніўня 1976 (47 гадоў) |
| Месца нараджэння | |
| Грамадзянства | |
| Альма-матар | |
| Прафесійная дзейнасць | |
| Род дзейнасці | паэт, мастак, перакладчык, фатограф |
| Гады творчасці | з 1995 |
| Мова твораў | беларуская |
| Прэміі |
Дэбют[d] (2000) |
Андрэй Васілевіч Бурсаў (нар. 21 жніўня 1976, Мінск, Беларусь) — беларускі паэт, мастак[1], фатограф і перакладчык.
Біяграфія[правіць | правіць зыходнік]
У 1986—1990 гадах вучыўся ў Мінскай дзіцячай мастацкай школе (два гады ў МДМШ № 2, потым два гады ў МДМШ № 3). У 1994—1999 гадах на перакладчыцкім факультэце Мінскага дзяржаўнага лінгвістычнага ўніверсітэта.
У 1997—1999 гадах друкаваўся ў газеце «Наша Ніва», часопісах «Першацвет» і «ARCHE».
Брытанскі філолаг-славіст Арнольд Мак-Мілін называў Арцёма Кавалеўскага і Андрэя Бурсава як два прыклады постмадэрнай беларускай паэзіі, даследчык адзначаў: «Бурсаў — паэт не просты і не лёгкі, асабліва праз яго вакабуляр, які злучае ў сабе розныя слоўцы: архаізмы і дыялектызмы, жаргон і слэнг, а таксама вульгарызмы. Да таго ж і правапіс аўтара падаецца даволі мудрагелістым, калі не сказаць эксцэнтрычным. Нават у тым, як самі вершы выглядаюць на паперы, адчуваецца яскравы індывідуальны стыль»[2][3].
У 2015 годзе Андрэя Бурсава не прынялі ў Саюз беларускіх пісьменнікаў[4][5]. Паводле літаратуразнаўца Віктара Жыбуля:
«А ўвогуле, у нас моўных эксперыментатараў не вельмі любяць. Скажам, цікавага паэта Андрэя Бурсава не прынялі ў Саюз беларускіх пісьменнікаў галоўным чынам таму, што ён напаўняе свае вершы рэдкімі дыялектызмамі і аўтарскімі неалагізмамі і, мала таго, абедзве свае кнігі выдаў у аўтарскай арфаграфіі. Дый ягонага славутага папярэдніка Янку Юхнаўца прызнавалі далёка не ўсе»[6].
Аўтар двух зборнікаў паэзіі, прозы і перакладаў «Дзівін»[7][8] (2002) і «Празнеб’е»[9][10] (2009). Бурсаў называе свае вершы «граняслоўямі», у слоўніку старабеларускай мовы «Сіноніма славенароская» XVII ст. слова даецца як сінонім да «верш»[11][12].
Перакладае мастацкую і навукова-даследчыцкую літаратуру з і на беларускую і англійскую мовы.
Узнагароды[правіць | правіць зыходнік]
- Лаўрэат прэміі «Дэбют» Саюза беларускіх пісьменнікаў (2000).
Выставы[правіць | правіць зыходнік]
- 10.05.2002 — Прэзентацыя-1 кнігі «Дзівін» (вершы, фатаграфіі, хэпенінг). Галерэя ЕГУ (Мінск)[13],
- 26.06.2002 — Фота-варажба (прэзентацыя-2 кнігі «Дзівін» (вершы, фатаграфіі, хэпенінг)). Галерэя ЕГУ (Мінск)[14],
- 2007 — Персанальная выстава «Першаклад» (жывапіс, вершы, пазлы). Галерэя «Падземка» (Мінск)[15],
- 2009 — Персанальная выстава «Златадзён» (жывапіс, вершы). Музей гісторыі беларускай літаратуры (Мінск)[16].
Заўвагі[правіць | правіць зыходнік]
- ↑ Будзьма беларусамі! » Карціна дня: “Барацьбіт” Андрэя Бурсава. budzma.org. Праверана 4 верасня 2023.
- ↑ McMillin 2007.
- ↑ McMillin 2010.
- ↑ Учора адбылося пасяджэньне Прыёмнай камісіі Саюзу беларускіх пісьменьнікаў | ВКонтакте. БУМ-БАМ-ЛІТ. Праверана 5 верасня 2023.
- ↑ Андрэй Бурсаў. БАЗЫЛІШАК | ВКонтакте. БУМ-БАМ-ЛІТ. Праверана 5 верасня 2023.
- ↑ Скарапанава 2018.
- ↑ Дзівін / Dzivin (2002) | Facebook. www.facebook.com. Праверана 4 верасня 2023.
- ↑ Бурсаў, А.. Дзівін: Граняслоўі, 1995-2002 / Андрэй Бурсаў. - Мн. : СПб. : ООО "Нев. простор", 2002. - 151 с.(нявызн.). e-catalog.nlb.by (27 красавіка 2002). Праверана 5 верасня 2023.
- ↑ Празнеб’е / Praźniebïe (2009) | Facebook. www.facebook.com. Праверана 4 верасня 2023.
- ↑ Бурсаў, А.. Празнеб'е: (граняслоўі, 1997―2009): [зборнік / Андрэï Бурсаў. - Менск [Мінск] : Вялікае Князтва, 2009. - 98, [1] с.](нявызн.). e-catalog.nlb.by (27 красавіка 2009). Праверана 5 верасня 2023.
- ↑ Скан фрагмента "Сінонімы славенароскай" | Facebook. www.facebook.com. Праверана 4 верасня 2023.
- ↑ Частина 1. Букви А-З. Синоніма славеноросская.. izbornyk.org.ua. Праверана 4 верасня 2023.
- ↑ Прєзєнтацыя-1 кнігі «Дзівін» (вершы, здымкі, хэпенінг). Галерэя EГУ (Мінск) | Facebook. www.facebook.com. Праверана 4 верасня 2023.
- ↑ Прєзєнтацыя-2 кнігі «Дзівін» (вершы, здымкі, хэпенінг). Галерэя EГУ (Мінск) | Facebook. www.facebook.com. Праверана 4 верасня 2023.
- ↑ Выстава Андрэя Бурсава «Першаклад» | Інфармацыйна-метадычны партал для настаўнікаў . www.nastaunik.info. Праверана 4 верасня 2023.
- ↑ Будзьма беларусамі! » Адкрыццё выставы Андрэя Бурсава “Златадзён”. budzma.org. Праверана 4 верасня 2023.
Літаратура[правіць | правіць зыходнік]
- Arnold McMillin (London) Two examples of postmodern Belarusian poetry: Arciom Kavaleŭski and Andrej Bursaŭ // Беларусь і беларусы ў прасторы і часе. Зборнік да 75-годдзя прафесара Адама Мальдзіса / Пад рэдакцыяй Сяргея Запрудскага, Аляксандра Фядуты, Захара Шыбекі. — Мінск: Лімарыус, 2007. — С. 389-399. — ISBN 978-985-6740-78-0. — (неаўтарызаваны пераклад артыкула на беларускую).
- Arnold Barrett McMillin Two examples of postmodern Belarusian poetry: Arciom Kavaleŭski and Andrej Bursaŭ // Writing in a cold climate: Belarusian literature from the 1970s to the present day. — London: Maney, 2010. — Т. 18. — ISBN 978-1-906540-68-5.
- Скарапанава І. С. Поставангардызм Віктара Жыбуля. — Мінск: ІВЦ Мінфіна, 2018. — 97 с. — ISBN 978-985-7205-03-5.
Спасылкі[правіць | правіць зыходнік]
| Фота, відэа і аўдыё | |
|---|---|
| Нарматыўны кантроль |
