Антанін Новатны

З Вікіпедыі, свабоднай энцыклапедыі
Антанін Новатны
Antonín Novotný
Сцяг Прэзідэнт Чэхаславакіі
19 лістапада 1957 — 22 сакавіка 1968
Кіраўнік урада Вільям Шыракі
Ёсеф Ленарт
Папярэднік Антанін Запатацкі
Вільям Шыракі (в. а.)
Пераемнік Ёсеф Ленарт (в. а.)
Людвік Свобада
Сцяг Першы сакратар ЦК КПЧ
14 сакавіка 1953 — 5 студзеня 1968
Папярэднік пасада заснавана
Пераемнік Аляксандр Дубчак

Нараджэнне 10 снежня 1904(1904-12-10)[1][2][…]
Смерць 28 студзеня 1975(1975-01-28)[2][5][…] (70 гадоў)
Месца пахавання
Жонка Бажэна Новатна[d]
Дзеці сын Антанін (1930-1992)
Грамадзянства ЧССР
Веравызнанне атэіст
Партыя
Дзейнасць палітык, журналіст, публіцыст, пісьменнік, камуніст
Навуковая дзейнасць
Навуковая сфера журналістыка[7], публіцыстыка[7], палітыка[7] і літаратура[7]
Аўтограф Выява аўтографа
Узнагароды
Лагатып Вікісховішча Медыяфайлы на Вікісховішчы

А́нтанін Но́ватны (чэшск.: Antonín Novotný, 10 снежня 1904, Летняны, цяпер Прага — 28 студзеня 1975, Прага) — чэшскі і славацкі палітычны дзеяч, прэзідэнт Чэхаславакіі ў 19571968, 1-ы сакратар ЦК КПЧ у 19531968 гадах.

Біяграфія[правіць | правіць зыходнік]

Паходзіў з беднай сям’і. У 1921 годзе ўступіў у кампартыю Чэхаславакіі. У час Другой сусветнай вайны ўдзельнічаў у падпольнай дзейнасці КПЧ, у 19411945 гадах зняволены ў канцлагеры Маўтгаўзен.

У 19451951 гадах 1-ы сакратар Пражскага гаркама КПЧ. У 19461968 гадах член ЦК КПЧ. З 1951 года член Прэзідыума ЦК КПЧ, а з 1953 — 1-ы сакратар ЦК КПЧ. Пасля смерці К. Готвальда, аднак, пасада 1-га сакратара на некаторы час страціла палітычнае значэнне, і Новатны лічыўся 2-м чалавекам у Чэхаславакіі пасля прэзідэнта А. Запатацкага. Быўшы па натуры кансерватарам, быў вымушаны праводзіць меры па змякчэнні рэжыму, пабудаванага па сталінскай мадэлі, асабліва ў эканамічнай сферы. У 1960 годзе абвясціў шырокую амністыю палітвязням, і адначасова заявіў пра «канчатковую пабудову сацыялізму» ў Чэхаславакіі, у сувязі з чым краіна была пераназвана ў ЧССР.

Меў дачыненне да рэпрэсій 1950-х, таму зацягваў рэабілітацыю некаторых рэпрэсаваных палітычных дзеячаў. У 1967 годзе быў раскрытыкаваны з боку пісьменнікаў і студэнтаў за зацягванне перагляду такіх палітычных працэсаў мінулых гадоў, як справы Сланскага, за непаслядоўнае правядзенне эканамічнай рэформы. Разгон дэманстрацый і сходаў, нежаданне змяняць аўтакратычны стыль кіравання, ігнараванне патрабаванняў славакаў пра ўвядзенне федэратыўнага ладу дзяржавы прывялі да ўзнікнення «антыноватаўскай» апазіцыі ў ЦК КПЧ. З кастрычніка 1967 па студзень 1968 з перапынкамі праходзіў пленум, асноўным пытаннем якога была законнасць сумяшчэння дзвюх і больш пасад. 4 студзеня 1968 года Новатны быў зняты з пасады першага сакратара ЦК КПЧ. Новым 1-м сакратаром ЦК КПЧ 5 студзеня быў абраны А. Дубчак.[8]

Застаючыся прэзідэнтам ЧССР і членам ЦК КПЧ, Новатны прадстаўляў кансерватыўную большасць партыі і імкнуўся перашкаджаць правядзенню рэформ. Спробы выклікаць сярод рабочых негатыўнае стаўленне да «буржуазных» рэформ не ўвянчаліся поспехам. Дзеячы культуры і моладзь, якія бачылі ў яго асобе галоўную перашкоду на шляху да дэмакратызацыі, патрабавалі яго адстаўкі. 28 сакавіка 1968 падаў у адстаўку з усіх пасад. Новым прэзідэнтам ЧССР стаў Л. Свобада. Адстаўка Новатнага стала пачаткам Пражскай вясны[9].

Зноскі

  1. birth registry
  2. а б Antonín Novotný // Brockhaus Enzyklopädie / Hrsg.: Bibliographisches Institut & F. A. Brockhaus, Wissen Media Verlag Праверана 9 кастрычніка 2017.
  3. Czech National Authority Database Праверана 2 лютага 2023.
  4. Regional Database of the Central Bohemian Research Library in Kladno Праверана 20 чэрвеня 2023.
  5. а б Czech National Authority Database Праверана 23 лістапада 2019.
  6. The Fine Art Archive — 2003. Праверана 1 красавіка 2021.
  7. а б в г д е ё ж Czech National Authority Database Праверана 7 лістапада 2022.
  8. Пихоя Р. Г. Чехословакия, 1968 год. Взгляд из Москвы. По документам ЦК КПСС//Новая и новейшая история-1994-№ 6-СС.3-20
  9. Мусатов В. Россия и Восточная Европа: связь времен. — М.: Издательство ЛКИ, 2008

Спасылкі[правіць | правіць зыходнік]