Астравы Кэмпбел

З пляцоўкі Вікіпедыя.
Перайсці да: рух, знайсці
Кэмпбел
Campbell
Астравы Кэмпбел.png
Каардынаты: Каардынаты: 47°35′00″ пд. ш. 169°10′00″ у. д. / 47.583333° пд. ш. 169.166667° у. д. (G) (O) (Я)47°35′00″ пд. ш. 169°10′00″ у. д. / 47.583333° пд. ш. 169.166667° у. д. (G) (O) (Я)
Акваторыя Ціхі акіян
Найбуйнейшы востраў востраў Кэмпбел
Агульная плошча 113,31 км²
Найвышэйшы пункт 569 м
Краіна Flag of New Zealand.svg Новая Зеландыя
Астравы Кэмпбел (Ціхі акіян)
Астравы Кэмпбел
Насельніцтва 0 чал.
Паўночнае ўзбярэжжа
Commons-logo.svgКэмпбел на Вікісховішчы 

Астравы Кэмпбел (англ.: Campbell Islands) — архіпелаг на паўднёвым захадзе Ціхага акіяна. Уваходзіць у склад Новай Зеландыі. Агульная плошча - 113,31 км². Сталага насельніцтва няма.

Гісторыя[правіць | правіць зыходнік]

Астравы адкрыты ў 1810 г. аўстралійскімі паляўнічымі на ластаногіх і названы ў гонар суднаўладальніка іх карабля. Да 1830-ых гг. на востраве Кэмпбел спыняліся зверабоі і кітабоі, якія пабудавалі лагер Кука, рэшкі якога можна ўбачыць і ў нашы дні.

Навуковыя даследаванні пачаліся з 1840 г. У 1874 г. Кэмпбел наведала французская навуковая экспедыцыя.

У 1895 - 1931 гг. на астравах вялася сельскагаспадарчая дзейнасць. Тут утрымлівалі вялікі статак авечак. Аднак эканамічная дэпрэсія прывяла да праблем з транспартам і зрабіла жывёлагадоўлю стратнай.

У 1954 г. астравы Кэмпбел былі абвешчаны запаведнікам, а ў 1998 г. разам з іншымі новазеландскімі субантарктычнымі тэрыторыямі трапілі ў спіс сусветнай спадчыны ЮНЕСКА.

Геаграфія[правіць | правіць зыходнік]

Астравы Кэмпбел знаходзяцца прыкладна ў 700 км на поўдзень ад Новай Зеландыі. Маюць вулканічнае паходжанне. Большую плошчу займае самы вялікі востраў Кэмпбел - 112,68 км². Астатнія астравы ўяўляюць сабою паднятыя з вады скалы і каменна-пясчаныя выспы. Рэльеф асноўнага вострава гарысты. Найвышэйшая кропка - гара Хоні (569 м). Шмат рэк і ручаёў.

Клімат субантарктычны вільготны. Сярэдняя тэмпература студзеня 7,1 - 12,1° C, ліпеня 3 - 6,9° C. Сярэднегадавая колькасць ападкаў 1329 мм. З-за высокай вільготнасці захоўваецца сталае пахмурнае надвор'е. Горныя вяршыні зацягнуты смугой.

Прырода[правіць | правіць зыходнік]

Кветкі

Астравы Кэмпбел славяцца багаццем флоры. Налічваецца прыкладна 128 сасудзістых раслін мясцовага паходжання і яшчэ каля 50 завезеных чалавекам. Асабліва вылучаюцца зараснікі гіганцкай травы.

Першародная фаўна прадстаўлена пераважна марскімі птушкамі. На скалах ахвотна селяцца буравеснікападобныя і пінгвіны. З-за нашэсця пацукоў практычна вымерлі мясцовыя качкі. Аднак некаторая колькасць гэтых птушак захавалася на іншых субантарктычных астравах. У 2004 г. яны былі інтрадуцыраваны зноў. Пляжы - месца размнажэння ластаногіх.

У выніку чалавечай дзейнасці на астравах з'явіліся пацукі, здзічэлыя каты, сабакі, авечкі, каровы, якія распладзіліся і наносілі незлічоныя страты карэнным відам. Аднак з 1970-ых гг. вялася праца па іх выдаленню. У 1987 г. былі канчаткова знішчаны каровы, у 1991 - авечкі, у 2001 г. - пацукі.

Спасылкі[правіць | правіць зыходнік]

Сцяг ЮНЕСКА Сусветная спадчына ЮНЕСКА, аб'ект № 877
рус.англ.фр.