Ашурбаніпал

Ашурбаніпа́л, ці Ашурбанапа́л — цар Асірыі ў 669 — каля 633 да н.э. Сын Асархадона.

Пры ім імперыя дасягнула найбольшай магутнасці, але страціла Егіпет (655). Перамог свайго брата Шамашумукіна (з 652 паўстаў супраць Ашурбаніпала) і заняў яго рэзідэнцыю Вавілон (648), пакарыў Элам (639) і інш.

Увайшоў у гісторыю і як збіральнік старажытных пісьмовых помнікаў; яго бібліятэка мела больш за 20 тыс. клінапісных гліняных таблічак (знойдзена ў 1849—54 на месцы апошняй асірыйскай сталіцы Ніневіі).

Літаратура

• Ашурбаніпал // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. С. 170.

Спасылкі

• На Вікісховішчы ёсць медыяфайлы па тэме Ашурбаніпал