Аўгуст Васерман

Аўгуст Паўль фон Васерман
August Paul von Wassermann
Дата нараджэння	21 лютага 1866(1866-02-21)
Месца нараджэння	Бамберг, Германская імперыя
Дата смерці	16 сакавіка 1925(1925-03-16) (59 гадоў)
Месца смерці	Берлін, Германская імперыя
Месца пахавання	Urnenfriedhof Gerichtstraße[d]
Грамадзянства	Германская імперыя
Род дзейнасці	біёлаг, урач, імуналог
Навуковая сфера	Мікрабіялогія, Імуналогія
Навуковы кіраўнік	Роберт Кох, Паўль Эрліх
Узнагароды і прэміі:	Aronson Prize[d]
Аўгуст Паўль фон Васерман на Вікісховішчы

Аўгуст Паўль фон Васерман (ням.: August Paul von Wassermann; 21 лютага 1866, Бамберг — 16 сакавіка 1925, Берлін) — нямецкі мікрабіёлаг і імунолаг яўрэйскага паходжання.

Нарадзіўся ў сям'і баварскага прыдворнага банкіра.

Вучыўся ў Страсбургскім, Венскім і Берлінскім універсітэтах, дзе яго настаўнікамі былі Роберт Кох і Паўль Эрліх. З 1902 года — прафесар інстытута Р. Коха, з 1913 года — дырэктар інстытута эксперыментальнай тэрапіі ў Берліне.

Асноўныя даследаванні — вывучэнне змен у сыроватцы крыві хворых у працэсе ўзнікаючага імунітэту пры халеры, тыфах і дыфтэрыі. У 1906 годзе распрацаваў (сумесна з А. Нейсерам і К. Брунам) методыку дыягностыкі пранцаў (т.з. «рэакцыя Васермана»). Усталяваў (1901) наяўнасць імуналагічнай спецыфічнасці бялкоў розных жывёл, працаваў над удасканаленнем серадыягностыкі сухот, новаўтварэнняў і інш.

У 1913 годзе за навуковыя заслугі атрымаў дваранства (і права на фон паміж імем і прозвішчам).

Сачыненні

• Hämolysine, Cytotoxine und Präcipitine, Lpz., 1902.
• Handbuch pathologenen Mikroorganismen, 2 Aufl., Bd. 1—8, Jena, 1912—13.