Антон Стафанавіч Бархаткоў

Антон Стафанавіч Бархаткоў
Дата нараджэння	17 студзеня 1915(1915-01-17) ці 1917
Месца нараджэння	Шчаглоўка, Клімавіцкі павет, Магілёўская губерня
Дата смерці	24 сакавіка 2001(2001-03-24)
Месца смерці	Мінск, Беларусь
Грамадзянства	СССР  Беларусь
Род дзейнасці	мастак
Жанр	пейзаж, нацюрморт
Вучоба	Маскоўскі дзяржаўны акадэмічны мастацкі інстытут імя В. І. Сурыкава[d]
Мастацкі кірунак	рэалізм, сацыялістычны рэалізм
Уплыў	В. К. Бялыніцкі-Біруля
Уплыў на	Ігар Бархаткоў
Медыяфайлы на Вікісховішчы

Анто́н Стафа́навіч Бархатко́ў (нар. 17 студзеня 1915, вёска Шчаглоўка, Касцюковіцкі раён — 24 сакавіка 2001, Мінск) — беларускі жывапісец, заслужаны дзеяч мастацтваў Беларусі (1991).

Біяграфія

Вучыўся ў Маскоўскім мастацкім інстытуце імя Сурыкава (1945—1948). У 1943—1944 гг. прымаў удзел у арганізацыі і правядзенні першай выстаўкі беларускага мастацтва ў Маскве, прысвечанай 25-годдзю ўтварэння БССР. Прымаў удзел у арганізацыі Дзяржаўнага мастацкага музея БССР. Вучань і прадаўжальнік традыцый В. К. Бялыніцкага-Бірулі. Сыны Антона Стэфанавіча — Вітольд (у гонар В. К. Бялыніцкага-Бірулі) і Ігар — таксама сталі прафесійнымі мастакамі-рэалістамі, такім чынам стварыў сапраўдную мастацкую дынастыю.

Творчасць

Аўтар шырокавядомых карцін «Партрэт В. К. Бялыніцкага-Бірулі» (1946), «Ганачак» (1947), «Першая песенька» (1957, НММ РБ), «Поўдзень на сенакосе», «Вясна на Нёмане» (1960), «Красавіцкі дзень» (1964), «Вясна», «Сінія цені» (1968), «Апошні прамень», «Бэз» (1970), «Залатая восень» (1981), «Любімыя дубы Якуба Коласа. Мікалаеўшчына» (1982), «Ветраны дзень на возеры Мсціна» (1986), «Рабінка» (1994), «Ранішняе сонца» (1997) і іншыя. Удзельнік выставак у Мінску (1967, 1980, 1988, 1995, 2000), а таксама ў Бельгіі (1993), Італіі (1996), Галандыі (1997).

Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску, музеях Магілёва, Гродна, Гомеля, Бялынічаў, Касцюковічаў, Траццякоўскай галерэі ў Маскве і іншых.

У філатэліі

• 

Літаратура

• Бархаткоў Антон Стафанавіч // Беларуская энцыклапедыя: У 18 т. Т. 2: Аршыца — Беларусцы / Рэдкал.: Г. П. Пашкоў і інш. — Мн. : БелЭн, 1996. — Т. 2. — С. 322. — 10 000 экз. — ISBN 985-11-0035-8. — ISBN 985-11-0061-7 (т. 2).

Спасылкі

• На Вікісховішчы ёсць медыяфайлы па тэме Антон Стафанавіч Бархаткоў
• http://artdigest-belarus.com/novosti/minsk/41-100-let-so-dnya-rozhdeniya-belorusskogo-zhivopisca-antona-stefanovicha-barhatkova.html Архівавана 9 чэрвеня 2016.
• Маркина Т. «Бархатковы. Скромное обаяние белорусской природы»Архівавана 8 лютага 2013. (руск.)
• Циркун Е. «Очарованные природой Беларуси» Архівавана 7 сакавіка 2013. (руск.)