Барыс Васільевіч Карасёў

Барыс Васільевіч Карасёў
руск.: Борис Васильевич Карасёв
Дата нараджэння	2 сакавіка 1925(1925-03-02) (100 гадоў)
Месца нараджэння	Ракша, Q23895673?, Маршанскі раён, СССР
Грамадзянства	СССР  Беларусь
Род дзейнасці	навуковец
Навуковая сфера	гідраўліка
Месца працы	БДАТУ БрДТУ
Навуковая ступень	кандыдат тэхнічных навук
Навуковае званне	прафесар
Альма-матар	Харкаўскі політэхнічны інстытут
Узнагароды

Барыс Васільевіч Карасёў (руск.: Борис Васильевич Карасёв; нар. 2 сакавіка 1925) — вучоны ў галіне гідраўлікі, кандыдат тэхнічных навук (1956), прафесар (1985). Удзельнік Вялікай Айчыннай вайны.

Біяграфія

Нарадзіўся на станцыі Безабразава (зараз Ракша, Маршанскі раён Тамбоўскай вобласці Расіі). Напярэдадні Вялікай Айчыннай вайны сям’я пераехала ў Пінск, а з яе пачаткам эвакуіравалася ў Маршанск, дзе Барыс Васільевіч скончыў васьмігадовую школу і шафёрскія курсы. У маі 1942 года быў прызваны ў Чырвоную Армію. Удзельнік Сталінградскай бітвы, вызвалення Данбаса і Запарожжа. Пасля дэмабілізацыі ў 1946 годзе паступіў у Харкаўскі механіка-машынабудаўнічы інстытут, які скончыў у 1952 годзе і застаўся працаваць у ім. У 1954 годзе паступіў у аспірантуру і ў 1957 годзе абараніў кандыдацкую дысертацыю пад кіраўніцтвам прафесара Г. Ф. Праскурава. З 1958 года Б. В. Карасёў у Мінскім інстытуце механізацыі і электрыфікацыі сельскай гаспадаркі на пасадзе дацэнта, у 1962—1968 гадах — загадчыка кафедры гідраўлікі і цеплатэхнікі і адначасова (29.12.1961 — 17.06.1968) — дэкан факультэта электрыфікацыі сельскай гаспадаркі. З 1968 года Б. В. Карасёў у Брэсцкім інжынерна-будаўнічым інстытуце (сучасны Брэсцкі дзяржаўны тэхнічны ўніверсітэт). У 1969—1970 гадах займаў пасаду дэкана будаўнічага факультэта, у 1971—1976 гадах — дэкана факультэта гідрамеліярацыі, у 1976—1982 — дэкана факультэта водазабеспячэння і каналізацыі. З 1985 года прафесар кафедры водазабеспячэння, водаадвядзення і гідратэхнічных збудаванняў.

Навуковая дзейнасць

Аўтар навуковых прац па гідраўліцы, водазабеспячэнні, каналізацыі і падручнікаў для вышэйшых навучальных устаноў.

Сярод апублікаванага:

• Основы гидравлики, гидравлические машины и сельскохозяйственное водоснабжение. — Мн., 1965. (Разам з В. І. Дзячовым.)
• Насосы и насосные станции: Учебник для экон. вузов по спец. 1209 «Водоснабжение и канализация», 1217 «Рац. использ. вод. ресурсов и обезвреживание промстоков». — Минск: Вышэйшая школа, 1979. — 285 с.
• Гидравлика, основы сельскохозяйственного водоснабжения и канализации: Учеб. пособие для вузов по спец. 1205 «С.-х. стр-во». — Минск: Вышэйшая школа, 1983. — 285 с.
• Насосные и воздуходувные станции. — Мн., 1990.

Узнагароды

• Ордэн Айчыннай вайны II ступені
• Медаль «За перамогу над Германіяй у Вялікай Айчыннай вайне 1941—1945 гг.»
• Ордэн «Знак Пашаны»
• Медаль «За абарону Сталінграда»
• Медаль «За баявыя заслугі»
• Медаль «За працоўныя заслугі»
• Шэраг юбілейных узнагарод, у тым ліку Ганаровы знак Міністэрства вышэйшай і сярэдняй адукацыі СССР «За выдатныя поспехі ў працы»

Літаратура

• Карасёў Барыс Васілевіч // Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 55. — 10 000 экз. — ISBN 985-11-0035-8. — ISBN 985-11-0144-3 (т. 8).

Спасылкі

• Поздравляем первого декана факультета гидромелиорации Бориса Васильевича Карасёва с 90-летием // Наша газета, 1 (128) март 2015 Архівавана 14 студзеня 2020. (руск.) // БрДТУ
• Давайте вспомним // Наша газета, 3 (139) март 2016 Архівавана 14 студзеня 2020. (руск.) // БрДТУ
• Агроэнергетический факультет. История. (руск.) // Сайт БДАТУ