Брэм Стокер

Брэм Стокер
Bram Stoker
Асабістыя звесткі
Імя пры нараджэнні	Абрахам Стокер
Дата нараджэння	8 лістапада 1847(1847-11-08)[…]
Месца нараджэння	Дублін, Ірландыя
Дата смерці	20 красавіка 1912(1912-04-20)[…] (64 гады)
Месца смерці	Лондан, Вялікабрытанія
Пахаванне	Голдэрс-Грын[d]
Грамадзянства	Вялікабрытанія
Жонка	Флорэнс Бэлкхем[d]
Дзеці	Irving Stoker[d]
Альма-матар	Трыніці-каледж[d] (1870)
Месца працы	Дублінскі замак Lyceum Theatre[d]
Прафесійная дзейнасць
Род дзейнасці	празаік
Жанр	гатычны раман, жахі
Мова твораў	англійская
Подпіс
bramstoker.org (англ.)
Медыяфайлы на Вікісховішчы

Абрагам «Брэм» Стокер (англ.: Abraham «Bram» Stoker, 8 лістапада 1847, Дублін, Ірландыя — 20 красавіка 1912, Лондан) — ірландскі пісьменнік. Аўтар рамана «Дракула».

Біяграфія

Абрагам «Брэм» Стокер нарадзіўся 8 лістапада 1847 года ў Дубліне. У дзяцінстве з-за хваробы ён да сямі год не быў здольны паднімацца і хадзіць. Гэтая акалічнасць пакінула след у творчасці пісьменніка — граф Дракула, персанаж яго галоўнага рамана, шмат часу праводзіць у сне. Аднак, пераадолеўшы хваробу, Стокер падчас вучобы ва ўніверсітэце Дубліна быў добрым футбалістам і лёгкаатлетам.

Пасля сканчэння Трыніці-каледжа Стокер доўгі час працаваў на дзяржаўнай службе, адначасова выступаючы на старонках дублінскай газеты «The Evening Mail» як журналіст і тэатральны крытык. У гэты час у яго завязаліся сяброўскі стасункі з англійскім акцёрам Генры Ірвінгам. У 1878 годзе Ірвінг прапанаваў Стокеру стаць дырэктарам-рассаветнікам тэатра «Ліцэум» (Lyceum Theatre), і Стокер пераехаў у Лондан. Цягам 27 год Стокер быў менеджарам Ірвінга да самой смерці апошняга ў 1905 годзе. Стокер цяжка перажываў смерць сябра — з ім здарыўся ўдар, і суткі ён не прыходзіў у свядомасць.

Сяброўства з Ірвінгам дапамагло Стокеру ўвайсці ў вышэйшыя колы Лондана і пазнаёміўся з Артурам Конан Дойлам і Джэймсам Уістлерам. Стокер быў жанаты на Флорэнс Белкам, у якую быў закаханы Оскар Уайльд.

Хоць Стокер з'яўляўся аўтарам мноства твораў, славу яму прынёс знакаміты раман «Дракула», апублікаваны ў 1897 годзе. Над раманам Стокер правёў восем год, вывучаючы еўрапейскі фальклор і легенды пра вампіраў.

Брэм Стокер памёр у Лондане 20 красавіка 1912 года з-за прагрэсіруючага параліча.

Раманы і навелы

• 1874 — Хрустальная чаша
• 1875 — Праезд Прымраўз
• 1879 — Абавязніцтвы Мелкіх Клеркаў у Ірландыі
• 1890 — Перавал Змяі
• 1895 — Смутак Сатаны
• 1897 — Дракула
• 1902 — Тайна Мора
• 1906 — Асабістыя ўспаміны пра Генры Ірвінга
• 1907 — Скарб Сямі Зораў
• 1909 — Дама ў Саване
• 1911 — Логава Белага Чэрвя

Зборнікі апавяданняў

• 1882 — Пад Заходам
• 1914 — Госць Дракулы і іншыя дзіўныя аповеды

Спасылкі

• На Вікісховішчы ёсць медыяфайлы па тэме Брэм Стокер