Сялец (вадасховішча)

З пляцоўкі Вікіпедыя
(Пасля перасылкі з Вадасховішча Сялец)
Jump to navigation Jump to search
Сялец
Sialiec Reservoir 4.jpg
Вадасховішча Сялец з боку плаціны
Каардынаты: 52°36′30″ пн. ш. 24°56′00″ у. д.HGЯO
Вышыня над узроўнем мора 140 м
Даўжыня 11,8 км
Шырыня 4,1 км
Плошча 20,7 км²
Аб'ём 0,0563 км³
Даўжыня берагавой лініі 33,5 км
Найбольшая глыбіня 5,4 м
Плошча вадазбору 681 км²
Упадаюць Рака Ясельда, рака Хотава
Выцякаюць Рака Ясельда
Год напаўнення 1985
Сялец (Брэсцкая вобласць)
Сялец
Сялец
Лагатып Вікісховішча Сялец на Вікісховішчы

Сяле́цвадасховішча, размешчанае на поўначы Бярозаўскага раёна Брэсцкай вобласці. Утворана ў абалоне ракі Ясельда. Знаходзіцца ў 7 км ад горада Бяроза, каля вёскі Сялец.

Даўжыня вадасховішча складае 11,8 км, найбольшая шырыня — 4,1 км. Даўжыня берагавой лініі — 33,5 км. Аб′ём вады — 56,3 млн. м³, сярэдні штогадовы сцёк 101 млн. м³.

Створана ў 1985 г. для водазабеспячэння сажалак рыбгаса «Сялец», увільгатнення глеб, добраўпарадкавання прылеглых населеных пунктаў. Галоўнае гідратэхнічнае збудаванне — земляная намыўная плаціна даўжынёй 4,3 км з хвалеўстойлівым верхавым адхонам. Агараджальная дамба цягнецца на 13,9 км. Ваганні ўзроўню вады на працягу года складаюць 2,5 м. Катлавіна вадасховішча выцягнутая ў напрамку з паўночнага захаду на паўднёвы ўсход.

З паўночна-ўсходняга боку і з поўдня гаспадарчыя сажалкі аддзелены ад абвадной дарогі ірвом, які перашкаджае падыйсці да сажалак. Маецца толькі пара месцаў, дзе праз роў пракладзены праезд.

Пабудовай вадасховішча былі знішчаны рэчкі Радахоч і Тураса. На вадасховішчы засталося некалькі вялікіх адкрытых астравоў, вусцевая зона моцна зарасла трыснягом. Па берагах растуць хвойныя і яловыя лясы, забалочаныя алешнікі.

Вадасховішча часткова ўваходзіць у склад рэспубліканскага біялагічнага заказніка «Буслаўка» [1]. У паслягнездавы перыяд на берагах і астравах вадасховішча і прылеглых да яго тэрыторыях канцэнтруецца больш за 20 тыс. водна-балотных птушак. Найбольш шматлікімі ў гэты час з'яўляюцца лыска (Fulica atra), качка-крыжанка (Anas plathyrynchos), вялікі баклан (Phalacrocorax carbo), шэрая (Ardea cinerea) і вялікая белая чаплі (Egretta alba).

Нестабільнасць узроўню вады на вадасховішчы ў перыяд гнездавання прыводзіць да масавага знішчэння птушыных гнёзд.

Зноскі

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — С. 336—337. — 552 с. — 10 000 экз. — ISBN 985-11-0251-2 (Т. 15).
  • Блакiтная кнiга Беларусi: энцыкл. / Рэдкал.: Н. А. Дзiсько i iнш. — Мн.: БелЭн, 1994. — 415 с.

Спасылкі[правіць | правіць зыходнік]