Валянціна Сямёнаўна Назарук

Валянціна Сямёнаўна Назарук
Дата нараджэння	4 ліпеня 1957(1957-07-04) (66 гадоў)
Месца нараджэння	Брэст, Брэсцкая вобласць, БССР, СССР
Альма-матар	Брэсцкі інжынерна-будаўнічы інстытут (1979) Маскоўскі архітэктурны інстытут (1984) Акадэмія кіравання пры Прэзідэнце Рэспублікі Беларусь (2006)
Месца працы	Камітэт па архітэктуры і будаўніцтве Магілёўскага аблвыканкама[d] Упраўленне архітэктуры і горадабудаўніцтва Магілёўскага гарвыканкама[d] Міністэрства архітэктуры і будаўніцтва Рэспублікі Беларусь Белінвесткамплект[d] Беларускі рэспубліканскі саюз спажывецкіх таварыстваў
Навуковае званне	член-карэспандэнт Беларускай акадэміі архітэктуры[d]
Член у	Беларускі саюз архітэктараў

Валянціна Сямёнаўна Назару́к (нар. 4 ліпеня 1957, г. Брэст) — беларускі архітэктар. Член-карэспандэнт Беларускай акадэміі архітэктуры (2006).

Біяграфія

Скончыла ў 1979 годзе Брэсцкі інжынерна-будаўнічы інстытут па спецыяльнасці «Архітэктура», у 1984 годзе Маскоўскі архітэктурны інстытут па спецыяльнасці «Горадабудаўніцтва», у 2006 годзе Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае і мясцовае кіраванне». Навучалася ў «Компетэнццэнтр» у г. Берліне (ФРГ) па тэме «Еўрапейская сістэма нарматыўнага забеспячэння і арганізацыя работ па рэканструкцыі і мадэрнізацыі будынкаў. Праектаванне і правядзенне работ па добраўпарадкаванні і ўтрыманні сялібных тэрыторый» (2007, 2008, 2009).

З 1979 года па чэрвень 2002 года ў Магілёўскім аблвыканкаме: старэйшы архітэктар Упраўлення па будаўніцтве і архітэктуры, вядучы спецыяліст па пытаннях ліквідацыі наступстваў аварыі на ЧАЭС, начальнік аддзела гарадскога і сельскага будаўніцтва, намеснік начальніка Галоўнага ўпраўлення архітэктуры, горадабудаўніцтва і тэрытарыяльнага планіравання па пытаннях архітэктуры і горадабудаўніцтва. З ліпеня 2002 года па чэрвень 2006 года начальнік Упраўлення архітэктуры Магілёўскага гарвыканкама — галоўны архітэктар г. Магілёва. З чэрвеня 2006 года па красавік 2011 года начальнік Галоўнага ўпраўлення праектных работ, горадабудаўніцтва і архітэктуры Міністэрства архітэктуры і будаўніцтва Рэспублікі Беларусь. З мая 2011 года генеральны дырэктар Навукова-вытворчага рэспубліканскага ўнітарнага прадпрыемства «Белінвесткамплект» Міністэрства па надзвычайных сітуацыях Рэспублікі Беларусь з кіраваннем філіялам — Праектным інстытутам комплекснага праектавання «Палессепраект» у г. Мазыры.

Цяпер начальнік кіравання тэхнічнага развіцця, транспарту і капітальнага будаўніцтва, член Кіраўніцтва Белкаапсаюза.

Член Саюза архітэктараў Рэспублікі Беларусь (2003).

Дзейнасць

Працуючы галоўным архітэктарам г. Магілёва, актыўна займалася прафесійнай дзейнасцю — праектаваннем у якасці сааўтара распрацоўкі генеральнага плана г. Магілёва, праекта дэталёвай планіроўкі яго цэнтральнай часткі (2002—2006). Непасрэдна ўдзельнічала ў рэалізацыі рэспубліканскай праграмы па добраўпарадкаванні населеных пунктаў і гарадоў Рэспублікі Беларусь. Дзякуючы асабістаму ўнёску ў арганізацыю распрацоўкі праектнай дакументацыі для будаўніцтва аб’ектаў добраўпарадкавання і азеляненні гарадскіх тэрыторый, правядзенні рэспубліканскіх пленэраў па скульптуры ў камені на працягу шэрагу гадоў, г. Магілёў з 2002 па 2005 гады займаў лідыруючыя месцы сярод буйных гарадоў краіны. Асабіста ўдзельнічала ў фарміраванні і рэалізацыі архітэктурнай і горадабудаўнічай палітыкі дзяржавы.

Узнагароды

Узнагароджана Дыпломам лаўрэата ў намінацыі «Ландшафтная архітэктура» за ўдзел у распрацоўцы ў якасці сааўтара скульптурнай кампазіцыі «Астролаг» у г. Магілёве. За высокія дасягненні ў сферы «Архітэктура» ёй была прысуджана спецыяльная прэмія Магілёўскага гарадскога выканаўчага камітэта «Дасягненне» з занясеннем яе імя ў Кнігу Славы горада Магілёва (2004). Кіраўніцтва Справамі Прэзідэнта Беларусі ёй абвешчана падзяка за якасную падрыхтоўку, арганізацыю і правядзенне на высокім прафесійным узроўні святкавання 600-годдзя Белавежскай пушчы (2009).

Літаратура

• Назарук Валентина Семеновна // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)