Валянцін Мікалаевіч Пармон

Валянцін Мікалаевіч Пармон
Дата нараджэння	18 красавіка 1948(1948-04-18) (76 гадоў)
Месца нараджэння	Брандэнбург-на-Хафелі, Брандэнбург, Германія
Грамадзянства	СССР  Расія
Род дзейнасці	хімік
Навуковая сфера	хімія і каталіз[d]
Месца працы	Інстытут хімічнай фізікі імя М. М. Сямёнава РАН Boreskov Institute of Catalysis[d]
Навуковая ступень	доктар хімічных навук
Навуковае званне	прафесар акадэмік РАН[d]
Альма-матар	Маскоўскі фізіка-тэхнічны інстытут
Навуковы кіраўнік	Kirill Zamaraev[d]
Член у	Расійская акадэмія навук Еўрапейская акадэмія[d]
Прэміі
Узнагароды	Глабальная энергія[d] (2016)
Медыяфайлы на Вікісховішчы

Валянцін Мікалаевіч Пармон (18 красавіка 1948, Брандэнбург-на-Хафелі, ГДР) — савецкі і расійскі вучоны. Спецыяліст у галіне каталізу і фотакаталізу, хімічнай кінетыкі у кандэнсаваных фазах, хімічнай радыёспектраскапіі, хімічных метадаў пераўтварэння энергіія, нетрадыцыйных і аднаўляльных крыніц энергіі. Доктар хімічных навук (1985), прафесар (1989), акадэмік РАН (1997, член-карэспандэнт з 1991). Лаўрэат Дзяржаўнай прэміі Расіі (2009). Замежны член НАН Беларусі (2021).

Біяграфія

У 1972у скончыў факультэт малекулярнай і хімічнай фізікі МФТІ, затым да 1975 аспірант, абараніў кандыдацкую дысертацыю «Даследаванне механізму электронных абменных узаемадзеянняў у растворах метадам ЭПР».

З 1975 па 1977 працаваў на пасадзе малодшага навуковага супрацоўніка ў Інстытуце хімічнай фізікі АН СССР.

З 1977 года — у Інстытуце каталізу Сібірскага аддзялення Расійскай акадэміі навук: да 1984 — старэйшы навуковы супрацоўнік лабараторыі механізмаў каталітычных рэакцый, з 1984 па 1985 кіраваў неструктурнай лабараторыяй каталітычных метадаў пераўтварэння. У 1985 годзе прызначаецца намеснікам дырэктара па навуковай працы Інстытута каталізу і адначасова — намеснік генеральнага дырэктара МНТК «Каталізатар». У 1995—2015 — дырэктар Інстытута каталізу СА РАН.

Выкладае ў Новасібірскім дзяржаўным універсітэце, з’яўляецца прафесарам кафедры фізічнай хіміі факультэта прыродазнаўчых навук і членам Вучонай рады НДУ. Член Прэзідыума Расійскага хімічнага таварыства імя Д. І. Мендзялеева.

З 2010 — член Кансультатыўнай навуковай Рады Фонду «Сколкава».

28 верасня 2017 года абраны старшынёй Сібірскага аддзялення РАН, віцэ-прэзідэнтам РАН. Да 29 мая 2018 года — член Міжакадэмічнай рады па праблемах развіцця Саюзнай дзяржавы.

Навуковыя дасягненні

Спецыяліст у галіне каталізу і фотакаталізу, хімічнай кінетыкі у кандэнсаваных фазах, хімічнай радыёспектраскапіі, хімічных метадаў пераўтварэння энергіі, нетрадыцыйных і аднаўляльных крыніц энергіі, а таксама тэрмадынамікі нераўнаважных працэсаў. Аўтар і суаўтар больш за 800 навуковых прац, 7 манаграфій, 7 падручнікаў для ВНУ, уладальнік больш за 100 аўтарскіх пасведчанняў і патэнтаў.