Вашынгтонскі кафедральны сабор
Кафедральны сабор | |
Кафедральны сабор Святых Пятра і Паўла (Вашынгтонскі кафедральны сабор) | |
---|---|
Washington National Cathedral | |
![]() | |
38°55′50,20″ пн. ш. 77°04′14″ з. д.HGЯO | |
Краіна |
![]() |
Горад | Вашынгтон |
Канфесія | Епіскапальная царква ЗША |
Епархія | Episcopal Diocese of Washington[d][1] |
Архітэктурны стыль | неаготыка |
Архітэктар | Джордж Фрэдэрык Бодлі (George Frederick Bodley) |
Дата заснавання | 1910[2][3][…] |
Будаўніцтва | 1907—1990 гады |
Вышыня | 91,7 м |
Сайт | cathedral.org (англ.) |
![]() |
Кафедральны сабор святых Пятра і Паўла, або Вашынгтонскі кафедральны сабор — галоўны сабор англіканскай Епіскапальнай царквы ЗША, размешчаны ў Вашынгтоне, ЗША. Будынак сабора па велічыні з'яўляецца шостым кафедральным саборам ў свеце, які быў пабудаваны ў неагатычным стылі і другім у ЗША. Пры закладцы першага каменя ў падмурак сабора 29 верасня 1907 года прысутнічаў прэзідэнт Тэадор Рузвельт. Будаўніцтва працягвалася 83 гады і ўрачыста завяршылася ў 1990 годзе ў прысутнасці прэзідэнта Джорджа Буша-старэйшага. Сабор знаходзіцца пад кіраваннем створанага для гэтай мэты пратэстанцкага Епіскапальнага кафедральнага фонду з моманту рашэння Кангрэса аб яго будаўніцтве 6 студзеня 1893 года. Будынак знаходзіцца на скрыжаванні Масачусетс і Вісконсін-авеню на паўночным захадзе Вашынгтона. Уваходзіць у Нацыянальны рэестр гістарычных месцаў ЗША. 23 жніўня 2011 года ў выніку землятрусу тры шпілі адной з вежаў будынка зламаліся, а чацвёрты - пакасіўся. Пашкоджанні атрымалі і іншыя часткі сабора.
Архітэктура
[правіць | правіць зыходнік]![](http://upload.wikimedia.org/wikipedia/commons/thumb/9/9b/National_Cathedral_Center.jpg/150px-National_Cathedral_Center.jpg)
Канчатковы дызайн сабора дэманструе сумесь гатычных сярэднявечных архітэктурных стыляў.
Асноўным матэрыялам для будаўніцтва быў светла-карычневы пясчанік з каменяломняў цэнтральнай Індыяны. Сучасныя матэрыялы ўжываліся толькі для бэлек і крокваў, якія былі зроблены з дрэва са сталлю. Акрамя гэтага, для падмурка структур, якія падтрымліваюць званы, і падлогі заходніх вежаў выкарыстоўваўся бетон.
Амбон, ці пюпітр, быў выразаны з камянёў Кентэрберыйскага сабора, а кафедра біскупа была зроблена з каменя, здабытага ў Гластанберыйскім абацтве. Высокі, ці Іерусалімскі, алтар, зроблены з пясчаніку Саламонавых каменяломняў каля Іерусаліма, з якіх здабываўся камень для будаўніцтва Храма Саламона. У падлогу перад алтаром закладзены дзесяць камянёў з Капліцы Майсея на гары Сінай, якія сімвалізуюць Дзесяць запаведзяў.
Сабор мае больш за 200 вітражоў, самы вядомы — т.з. «касмічнае акно» ў гонар высадкі чалавека на Месяц, які ўключае фрагмент месяцавага каменя, інкруставанага ў цэнтр акна.
Пахаванні вядомых людзей
[правіць | правіць зыходнік]Вашынгтонскі кафедральны сабор і яго калумбарый з'яўляецца месцам пахавання шматлікіх вядомых амерыканцаў.
- Джордж Д'юі (1837—1917) — адмірал ЗША
- Хелен Адамс (1880—1968) — амерыканская пісьменніца
- Эн Саліван (1866—1936) — вядомы педагог
- Сцюарт Саймінгтан (1901—1988) — амерыканскі палітык, сенатар і прэзідэнцкі кандыдат
- Вудра Вільсан (1856—1924) — 28-ы Прэзідэнт ЗША
- Эдзіт Вільсан (1872—1961) — другая жонка Вудра Вільсана, першая лэдзі
- Кордэл Хал (1871—1955) — 47-ы дзяржсакратар ЗША
У саборы праходзілі жалобныя цырымоніі перад пахаваннямі наступных Прэзідэнтаў ЗША:
- Дуайт Эйзенхаўэр (1890—1969) — 34-ы Прэзідэнт ЗША
- Джэральд Форд (1913—2006) — 38-ы Прэзідэнт ЗША
- Рональд Рэйган (1911—2004) — 40-ы Прэзідэнт ЗША
Зноскі
- ↑ About Us — PECF. Праверана 18 лютага 2023.
- ↑ DC Historic Sites — DC Preservation League. Праверана 17 лютага 2023.
- ↑ Washington National Cathedral // Encyclopædia Britannica Праверана 17 лютага 2023.