Велле (возера, Расонскі раён)
| Велле | |
|---|---|
| Морфаметрыя | |
| Вышыня над узроўнем мора | 139,7[1] м |
| Даўжыня | 0,93 км |
| Шырыня | 0,84 км |
| Плошча | 0,577[2] км² |
| Аб’ём | 0,00166 км³ |
| Даўжыня берагавой лініі | 2,8 км |
| Найбольшая глыбіня | 4,6 м |
| Сярэдняя глыбіня | 3 м |
| Басейн | |
| Плошча вадазбору | 1,7 км² |
| Выцякаюць | Вельніца |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Велле |
|
|
|
|
 Велле |
|
 |
|
Ве́лле — возера ў Расонскім раёне Віцебскай вобласці Беларусі ў басейне ракі Нішча, за 7 км у напрамку на захад ад гарадскога пасёлка Расоны, за 0,5 км на ўсход ад вёскі Шалашнікі.
Плошча паверхні 0,577[2] км². Даўжыня 0,93 км, найбольшая шырыня 0,84 км. Даўжыня берагавой лініі 2,8 км. Найбольшая глыбіня 4,6 м, сярэдняя 3 м. Аб’ём вады ў возеры 1,66 млн м³. Плошча вадазбору 1,7 км².
Катлавіна возера круглаватай формы, рэшткавага тыпу. Схілы катлавіны нізкія, у паўднёвай частцы вышынёй да 3 м. Берагавая лінія слабазвілістая. Паўночныя і ўсходнія берагі нізкія, пясчаныя, на паўднёвыя і заходнія тарфяністыя. Вакол возера забалочаная пойма шырынёй ад 15—25 да 100 м. Мелкаводдзе вузкае і пясчанае, месцамі тарфяністае. Астатняя частка дна высланая крэменязёмістым сапрапелем. Возера зарастае нязначна. Расліннасць распаўсюджваецца на адлегласці да 10—30 м ад берага. Возера эўтрофнае, слабапраточнае. У паўночнай частцы Велле звязана з сеткай меліярацыйных каналаў. У паўднёвай частцы выцякае рака Вельніца (прыток Нішчы).
У возеры водзяцца шчупак звычайны, лешч, акунь рачны, гусцяра, плотка, краснапёрка, лінь, джгір і іншыя рыбы.
Зноскі
Літаратура[правіць | правіць зыходнік]
- Велле // Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн. : БелЭн, 1997. — Т. 4. — С. 69. — 10 000 экз. — ISBN 985-11-0035-8. — ISBN 985-11-0090-0 (т. 4).
- Велле // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 430
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 12. — 72 с. — 10 000 экз. — ISBN 978-985-508-136-5. (руск.)