Пралетарская вуліца (Гомель)

Пралетарская вуліца Гомель
Забудова вул. Пралетарскай
Агульная інфармацыя
Краіна	Беларусь
Рэгіён	Гомельская вобласць
Горад	Гомель
Раён	Цэнтральны
Гістарычны раён	Спасава Слабада, Кагальны Роў
Працягласць	1,19 кіламетр
Аўтобусныя маршруты	4, 26
Ранейшыя назвы	Фельдмаршалаўская
З'явілася	канец 17 ст.
Пралетарская на Вікісховішчы

Вуліца Пралетарская (былая Фельдмаршалаўская) — вуліца ў цэнтральнай частцы горада Гомеля. Працягласць 1150 м, ад Леніна плошчы да вуліцы Фрунзэ.

Назвы

Гістарычная назва — Фельдмаршалаўская, нададзена ў гонар аднаго з былых уладальнікаў Гомеля, фельдмаршала П. А. Румянцава-Задунайскага. У 1920-я гады была перайменавана савецкай уладай ў гонар пралетарыяту. Сучаснае аблічча вуліцы фармавалася ў 1960-70-я гады.

Перасякае вуліцы

• Леніна плошча
• Праспект Леніна
• Спартака
• Гагарына
• Маісеінкі
• Фрунзэ

Гісторыя

Вуліца да рэвалюцыі і ў наш час

Адна з найстарэйшых вуліц горада (на картах з'яўляецца з пачатку 19 стагоддзя). З'яўлялася прамым працягам вуліцы — Румянцаўскай (цяпер Савецкая), цэнтрам так званай Спасавой слабады (стараабрадскага селішча, узніклага ў канцы 17 ст.) і часткі Кагальнага рва(гістарычны раён горада Гомеля). У забудове пераважалі 1 і 2-павярховыя цагляныя і драўляныя хаты сядзібнага тыпу. На вуліцы размяшчаліся лакавы завод, чыгуналіцейная, кравецкая і карэтная майстэрні, крамы, цэнтральныя гарадскія публічныя лазні, дзіцячы прытулак княгіні Паскевіч, царкоўна-прыхадская вучэльня, стараабрадская царква (званіца захавалася ў двары адміністрацыйных будынкаў). Значэнне вуліцы ўзрасло з узвядзеннем новага маста праз раку Сож. Забудова прадстаўленая ў асноўным жылымі 1 і 2-павярховымі дамамі. Пры будоўлі вуліца падзяліла былое рэчышча Гаміюка на 2 часткі(сучасныя назвы Лебядзіная сажалка і Кагальны роў).

Забудова

Няцотны бок

Дом № 5

• № 5 — будынак пачатку ХІХ стагоддзя. Цяпер у будынку размяшчаецца офісы —  Гісторыка-культурная каштоўнасць Беларусі, шыфр 313Г000056

Дом № 9

• № 9 — аднапавярховы будынак (1881). Цяпер у ім размяшчаецца Гомельская абласная арганізацыя Беларускага Таварыства Чырвонага Крыжа —  Гісторыка-культурная каштоўнасць Беларусі, шыфр 313Г000056
• № 15 — двухпавярховы будынак, былы дом правадыра гарадскога дваранства (ХІХ стагоддзе). Цяпер у будынку размяшчаецца Камітэт дзяржкантролю па Гомельскай вобласці  —  Гісторыка-культурная каштоўнасць Беларусі, шыфр 313Г000059

Будынкі № 17, 19 і 21 (справа на лева)

• № 17 — аднапавярховы будынак пачатку ХІХ стагоддзя —  Гісторыка-культурная каштоўнасць Беларусі, шыфр 313Г000056
• № 19 — аднапавярховы будынак пачатку ХІХ стагоддзя —  Гісторыка-культурная каштоўнасць Беларусі, шыфр 313Г000056
• № 21 — двухпавярховы будынак пачатку ХІХ стагоддзя. Цяпер у будынку размяшчаецца камунальнае ўнітарнае прадпрыемства па аказанні паслуг «Гомельскі парк» —  Гісторыка-культурная каштоўнасць Беларусі, шыфр 313Г000056
• № 23а — аднапавярховы будынак пачатку ХІХ стагоддзя. Цяпер у будынку размяшчаецца Гомельская гарадская станцыя хуткай медыцынскай дапамогі —  Гісторыка-культурная каштоўнасць Беларусі, шыфр 313Г000056

Дом № 31

• № 31 — двухпавярховы будынак пачатку ХІХ стагоддзя. Цяпер навучальны корпус № 2 Гомельскага дзяржаўнага аграрна-эканамічнага каледжа  —  Гісторыка-культурная каштоўнасць Беларусі, шыфр 313Г000056
• № 33 — аднапавярховы будынак (ХІХ стагоддзе) —  Гісторыка-культурная каштоўнасць Беларусі, шыфр 313Г000061
• № 39 — трохпавярховы будынак Гомельскага дзяржаўнага аграрна-эканамічнага каледжа.
• № 43 — чатырохпавярховы жылы дом. Упраўленне архітэктуры і горадабудаўніцтва Гомельскага гарвыканкама.
• № 47 — аднапавярховы будынак пачатку ХІХ стагоддзя —  Гісторыка-культурная каштоўнасць Беларусі, шыфр 313Г000056
• № 55 — двухпавярховы жылы дом.
• № 57 — двухпавярховы жылы дом.
• № 59 — двухпавярховы жылы дом.
• № 69 — трохпавярховы будынак Гомельскага дзяржаўнага педагагічнага каледжа імя Л. С. Выгоцкага.

Будынак Інстытута лесу НАН Беларусі

• № 71 — 14-павярховы будынак Інстытута лесу НАН Беларусі (арх. Ф. У. Хайрулін, «Гомельграмадзянпраект»). У будынку таксама размяшчаецца грамадскае аб’яднанне Беларускае таварыства лесаводаў.

Цотны бок

• № 2 — КЗЦ «Еўропа»

Палац творчасці дзяцей і моладзі

• № 2а — Палац творчасці дзяцей і моладзі

Дом № 6

• № 6 — будынак (канец ХІХ — ХХ стагоддзя)  —  Гісторыка-культурная каштоўнасць Беларусі, шыфр 313Г000057

Дом № 8

• № 8 — аднапавярховы будынак (канец ХІХ — ХХ стагоддзя)  —  Гісторыка-культурная каштоўнасць Беларусі, шыфр 313Г000058

Дом № 16

• № 16 — аднапавярховы будынак пачатку ХІХ стагоддзя. Цяпер у будынку размяшчаецца Гомельская міжгарнізонная ваенная пракуратура —  Гісторыка-культурная каштоўнасць Беларусі, шыфр 313Г000056
• № 18 — двухпавярховы будынак Упраўлення па працы, занятасці і сацыяльнай абароне Гомельскага гарвыканкама
• № 18а — Званіца Праабражэнскай царквы (ХІХ стагоддзе) —  Гісторыка-культурная каштоўнасць Беларусі, шыфр 313Г000060
• № 22 — будынак пачатку ХІХ стагоддзя. Цяпер у будынку размяшчаецца Гомельская абласная медыка-рэабілітацыйная экспертная камісія —  Гісторыка-культурная каштоўнасць Беларусі, шыфр 313Г000056

Спасылкі

• На Вікісховішчы ёсць медыяфайлы па тэме Пралетарская вуліца (Гомель)