Вілі Баўмейстэр

Вілі Баўмейстэр
ням.: Willi Baumeister
Род дзейнасці	мастак, рысавальнік, ілюстратар, графік, выкладчык універсітэта, друкар, фатограф, мастак-манументаліст, тэатральны дызайнер, калажыст, тэарэтык мастацтва, акварэліст
Дата нараджэння	22 студзеня 1889(1889-01-22)[…]
Месца нараджэння	Штутгарт, Каралеўства Вюртэмберг, Германская імперыя
Дата смерці	31 жніўня 1955(1955-08-31)[…] (66 гадоў)
Месца смерці	Штутгарт, Бадэн-Вюртэмберг, ФРГ
Месца пахавання	Pragfriedhof Stuttgart[d]
Грамадзянства	Германія
Жонка	Álvaro Aguilera[d] і Margarete Oehm[d]
Дзеці	Krista Gutbrod[d]
Месца працы	Штутгарцкая дзяржаўная акадэмія выяўленчага мастацтва
Альма-матар	Friedrich-Eugens-Gymnasium Stuttgart[d] Штутгарцкая дзяржаўная акадэмія выяўленчага мастацтва
Член у	Zen 49[d]
Сайт	willi-baumeister.com (ням.)​ (англ.)​ (фр.)
Медыяфайлы на Вікісховішчы

Вілі Баўмейстэр (ням.: Willi Baumeister; 22 студзеня 1889(1889-01-22)^[…], Штутгарт, Каралеўства Вюртэмберг, Германская імперыя — 31 жніўня 1955(1955-08-31)^[…], Штутгарт, Бадэн-Вюртэмберг, ФРГ) — нямецкі мастак-абстракцыяніст і тэарэтык мастацтва.

Жыццё і творчасць

Вілі Баўмайстар нарадзіўся ў Штутгарце ў сям’і камінара. Маці — Ганна Баўмейстэр — была дачкой мастака-дэкаратара; пад яе ўплывам Вілі пачаў маляваць у раннім дзяцінстве. З 1905 года вывучаў дэкаратыўнае мастацтва. У 1909 годзе паступіў у штутгарцкую Акадэмію мастацтваў, дзе навучаўся ў класе кампазіцыі ў Адольфа Хёльцэля. Тут ён пазнаёміўся з Оскарам Шлемерам, з якім яго надоўга звяжуць сяброўскія адносіны.

У 1911 годзе Баўмейстэр на працягу трох месяцаў вучыўся жывапісу ў Парыжы. Вярнуўшыся ў Штутгарт, ён адкрыў уласную студыю. Першая персанальная выстаўка адбылася ў 1912 годзе ў Цюрыху. У 1913 годзе Баўмейстэр удзельнічае ў «Першым Нямецкім Восеньскім салоне». На яго раннюю творчасць вялікі ўплыў аказаў жывапіс Сезана.

З лістапада 1914 па снежань 1918 года Вілі Баўмейстэр браў удзел у Першай сусветнай вайне. Пасля заканчэння вайны ён вярнуўся ў родны горад і завяршыў курс навучання ў Акадэміі. У 1919 г. ён стаў членам берлінскай Novembergruppe; у гэтым жа годзе, сумесна з Оскарам Шлемерам, заснаваў у Штутгарце групу «Üecht». У 1920 годзе мастак становіцца вядомы за межамі Германіі, у тым ліку дзякуючы кантактам з Фернанам Лежэ і Ле Карбюзье.

У 1919 годзе фарміруецца свой, арыгінальны мастацкі стыль, у якім вялікую ролю адыгрываюць рэльефныя, канструктывісцкія элементы. У сваіх працах гэтага перыяду — параўнальных з палотнамі Мохай-Надзя і іншых майстроў Баўхаўса — В. Баумайстэр шукаў злучныя ніткі паміж жывапісам і архітэктурай. Асабліва гэта адбілася ў яго геаметрычна пабудаваных працах «Сцянныя карціны» (Mauerbilder, 1919-23), якія ўяўлялі сабой рэльефныя каляровыя паверхні з грубай тэкстурай (мастак нярэдка прымешваў да фарбы пясок). Вучні: Петэр Брунінг, Герберт Шнейдэр.