Віталь Віталевіч Руцкі

Віталь Віталевіч Руцкі
Віталь Віталевіч Руцкі
Дата нараджэння	12 студзеня 1963 (61 год)
Месца нараджэння	Слонім, Слонімскі раён, Гродзенская вобласць, БССР, СССР;
Альма-матар	Мінскі архітэктурна-будаўнічы тэхнікум (1982); архітэктурны факультэт БНТУ (1987);
Месца працы	Мінскпраект;
Член у	Беларускі саюз архітэктараў;
Узнагароды	Ганаровая грамата Мінскага гарадскога выканаўчага камітэта[d] Ганаровая грамата Міністэрства архітэктуры і будаўніцтва Беларусі[d]

Віталь Віталевіч Руцкі (нар. 12 студзеня 1963, г. Слонім, Гродзенская вобласць) — беларускі архітэктар.

Біяграфія

Пасля заканчэння Мінскага архітэктурна-будаўнічага тэхнікума ў 1982 годзе паступіў у Беларускі політэхнічны інстытут. У 1987 годзе па размеркаванні быў прыняты на пасаду архітэктара ў АКМ-6 у Дзяржаўны праектны інстытут «Мінскпраект». З 1993 года галоўны архітэктар праектаў у творчай майстэрні Грэчына А. І.. З 1998 года ГАП у ДПІ «Мінскпраект».

Член Беларускага саюза архітэктараў з 1996 года.

Творчасць

Аб’екты (у аўтарскім калектыве): прадуктовы магазін у мікрараёне «Захад 4а», універсам у мікрараёне «Сухарава-2», комплекс жылых дамоў для адміністрацыйных работнікаў у Астане, рэканструкцыя гасцінічнага комплексу «Мінск» (першы ў Мінску 4-х зоркавы гатэль), універсальны спартыўна-відовішчны комплекс: Футбольны манеж, найбуйнейшы фітнэс-цэнтр і гарадская лыжаролерная траса па пр. Пераможцаў (Гран-пры лаўрэата рэспубліканскага конкурсу ў раздзеле «пабудова» за 2003—2005 год), веладарожка ў водна-зялёным дыяметры горада працягласцю 26 км, рэканструкцыя будынка Нацыянальнага банка Беларусі па вул. Леніна, 14 з прыбудовай; Конны манеж у п. Ратамка, фізкультурна-аздараўленчы комплекс «Мандарын» па вуліцы Ангарскай; рэканструкцыя комплексу аб’ектаў стадыёна «Дынама» пад лёгкаатлетычны комплекс (2019), часовы павільён для арганізацыі харчавання афіцыйных удзельнікаў Другіх Еўрапейскіх гульняў 2019 года па вул. Чурлёніса ў Студэнцкім жылым комплексе, рэканструкцыя карпусоў Мінскага гарадскога клінічнага дыспансера з будаўніцтвам новага корпуса (4-я чарга будаўніцтва).

Узнагароды

Ганаровыя граматы Мінгарвыканкама, і грамата Міністэрства архітэктуры і будаўніцтва Рэспублікі Беларусь, Гран-пры лаўрэата рэспубліканскага конкурсу ў раздзеле «пабудова» за Універсальны спартыўна-відовішчны комплекс (2005), Гран-пры рэспубліканскага конкурсу ў раздзеле «пабудова» за рэалізацыю «Студэнцкі жылы комплекс у Мінску» (2019).

Спасылкі

Руцкий Виталий Витальевич // МИНСК ПРОЕКТ СТАБИЛЬНОСТЬ ТРАДИЦИИ 75 КАЧЕСТВО. Минск. 2020