Гансала Хара

Гансала Хара
Агульная інфармацыя
Поўнае імя	Гансала Алехандра Хара Рэес
Нарадзіўся	29 жніўня 1985(1985-08-29)[…] (37 гадоў) Уальпен[d], правінцыя Кансепсьён, вобласць Біа-Біа[d], Чылі
Грамадзянства	Чылі
Рост	178 см
Вага	76 кг
Пазіцыя	правы абаронца
Інфармацыя пра клуб
Клуб	няма
Маладзёжныя клубы
Уачыпата
Клубная кар’ера
2005—2006 Уачыпата 69 (2) 2007—2009 Кола-Кола 64 (1) 2009—2013 Вест Бромвіч 56 (2) 2011—2012 →  Брайтан энд Хоўв 14 (0) 2013 →  Нотынгем Форэст 17 (0) 2013—2014 Нотынгем Форэст 32 (0) 2014—2016 Майнц 05 23 (0) 2016—2018 Універсідад дэ Чылі 58 (0) 2019 Эстудыянтэс 15 (0) 2020 Манаркас Марэлія 6 (0) 2020 Масатлан 9 (0) 2021 Тыхуана 13 (0) 2021 Уніён Ла-Калера 7 (0) 2022 Какімба Уніда 12 (0)
Нацыянальная зборная
2005 Чылі (да 20) 3 (1) 2006—2019 Чылі 115 (3)
Узнагароды і медалі
Кубкі канфедэрацый Срэбра Расія 2017 Кубкі Амерыкі Золата Чылі 2015 Золата ЗША 2016
Медыяфайлы на Вікісховішчы

Ганса́ла Алеха́ндра Ха́ра Рэ́ес (ісп.: Gonzalo Alejandro Jara Reyes; нар. 29 жніўня 1985, Уальпен, Чылі) — чылійскі футбаліст, абаронца. Ігрок нацыянальнай зборнай Чылі (2006—2019).

Клубная кар’ера

Кар’еру пачаў у клубе «Уачыпата» ў 2003 годзе. У 2007 годзе перайшоў у склад чылійскага гранду клуба «Кола-Кола». У жніўні 2009 года за 1,4 млн фунтаў перайшоў у склад англійскага клуба «Вест Бромвіч Альбіён». 25 верасня 2010 года ў матчы супраць лонданскага «Арсенала» на «Эмірэйтс» забіў пераможны гол і яго каманда святкавала перамогу з лікам 2:3. З 2011 па 2014 гады выступаў у Чэмпіёншыпе спачатку за «Брайтан энд Хоўв Альбіён», а потым за «Нотынгем Форэст».

16 ліпеня 2014 года падпісаў двухгадовы кантракт з нямецкім клубам «Майнц». У студзені 2016 года кантракт з «Майнцам» быў датэрмінова разарваны, і неўзабаве Гансала вярнуўся на радзіму, стаўшы іграком «Універсідад дэ Чылі».

У студзені 2019 года перайшоў у аргенцінскі «Эстудыянтэс». У 2020—2021 гадах гуляў у Мексіцы, па паўгады правёўшы ў складзе клубаў «Марэлія», «Масатлан» і «Тыхуана». У верасні 2021 года вярнуўся ў Чылі, папоўніўшы склад «Уніёна» з Ла-Калеры. Сезон 2022 правёў у «Какімба Уніда».

Міжнародная кар’ера

У 2006 годзе быў запрошаны ў склад нацыянальнай зборнай Чылі, разам з якой адправіўся ў невялічкі тур у Еўропу. Пасля гэтага стала выклікаецца ў шэрагі нацыянальнай каманды на міжнародныя турніры, адборачныя і таварыскія сустрэчы.

Дасягненні

«Кола-Кола»:

• Чэмпіён Чылі (3): 2007 (а), 2007 (к), 2008 (к)

«Універсідад дэ Чылі»:

• Чэмпіён Чылі: 2017 (к)

Спасылкі

• На Вікісховішчы ёсць медыяфайлы па тэме Гансала Хара