Перайсці да зместу

Алексіс Санчэс

З Вікіпедыі, свабоднай энцыклапедыі
У Вікіпедыі ёсць артыкулы пра іншых людзей з прозвішчам Санчэс.
Футбол
Алексіс Санчэс
Агульная інфармацыя
Поўнае імя Алексіс Алехандра Санчэс Санчэс
Нарадзіўся 19 снежня 1988(1988-12-19)[1][2][…] (36 гадоў)
Грамадзянства  Чылі
Рост 168 см
Вага 62 кг
Пазіцыя нападнік, крайні атакуючы паўабаронца
Інфармацыя пра клуб
Клуб Італія Інтэрнацыянале
Нумар 7
Маладзёжныя клубы
2004—2005 Чылі Кабрэлоа
Клубная кар’ера[* 1]
2005—2006 Чылі Кабрэлоа 47 (12)
2006—2011 Італія Удзінезэ 95 (20)
2006—2007 →  Чылі Кола-Кола 32 (5)
2007—2008 →  Аргенціна Рывер Плэйт 23 (4)
2011—2014 Іспанія Барселона 88 (38)
2014—2018 Англія Арсенал 122 (60)
2018—2020 Англія Манчэстэр Юнайтэд 32 (3)
2019—2020 →  Італія Інтэрнацыянале 22 (4)
2020—2022 Італія Інтэрнацыянале 57 (12)
2022—2023 Францыя Марсель 35 (14)
2023— Італія Інтэрнацыянале
Нацыянальная зборная[* 2]
2007 Чылі Чылі (да 20) 12 (2)
2006— Чылі Чылі 155 (50)
Узнагароды і медалі
Кубкі канфедэрацый
Срэбра Расія 2017
Кубак Амерыкі
Золата Чылі 2015
Золата ЗША 2016
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 26 жніўня 2023.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 26 жніўня 2023
Лагатып Вікісховішча Медыяфайлы на Вікісховішчы

Але́ксіс Алеха́ндра Са́нчэс Са́нчэс (ісп.: Alexis Alejandro Sánchez Sánchez; нар. 19 снежня 1988, Такапілья, Чылі) — чылійскі футбаліст, нападнік італьянскага клуба «Інтэрнацыянале» і нацыянальнай зборнай Чылі.

Клубная кар’ера

[правіць | правіць зыходнік]

Раннія гады

[правіць | правіць зыходнік]
Падчас выступаў за «Кола-Кола»

Санчэс з’яўляецца выхаванцам чылійскага клуба «Кабрэлоа». Дэбютаваў за клуб у вельмі юным узросце і ўжо да 18 гадоў стаў важным іграком асновы і лічыўся адным з самых таленавітых ігракоў Паўднёвай Амерыкі.

«Удзінезэ»

[правіць | правіць зыходнік]

У 2006 годзе ён быў набыты «Удзінезэ» за 3 мільёны долараў і адразу быў аддадзены ў арэнду клуба «Кола-Кола». Санчэс правёў за клуб амаль 50 матчаў і забіў 9 галоў. Наступны сезон ён правёў у аргенцінскім клубе «Рывер Плэйт». У 2008 годзе «Удзінезэ» не стаў аддаваць Санчэса ў арэнду, і ігрок паступова заваяваў месца ў аснове італьянскага клуба. Летам 2008 года хадзілі чуткі аб яго пераходзе ў «Манчэстэр Юнайтэд», дзе Санчэс павінен быў замяніць Крыштыяну Раналду ў выпадку пераходу апошняга ў «Рэал», але пераход Алексіса не адбыўся.

«Барселона»

[правіць | правіць зыходнік]

21 ліпеня 2011 года быў набыты каталонскай «Барселонай», па словах прадстаўнікоў «Барселоны» за 26, а па словах прадстаўнікоў «Удзінезэ» за 43 млн еўра[3][4]. У новым клубе футбаліст абраў 9 нумар[5].

Алексіс, такім чынам, стаў першым чылійцам, які гуляў за «Барселону»[6]. У інтэрв’ю галоўны трэнер каталонцаў заявіў, што Санчэс яму спадабаўся тым, што можа згуляць на ўсіх трох атакуючых пазіцыях, ён паказвае інтэнсіўныя абарончыя навыкі[7].

Яго дэбютны сезон у «Барселоне» быў часткова азмрочаны кароткатэрміновымі траўмамі. Санчэс дэбютаваў 14 жніўня 2011 года ў матчы Суперкубка Іспаніі, аднак атрымаў траўму сцягна пасля барацьбы з Марселу[8]. Ужо праз два тыдні Санчэс вярнуўся ў асноўную групу ігракоў і выйшаў на замену ў матчы Суперкубка Еўропы, дзе «Барса» атрымала перамогу з лікам 2:0. У верасні Алексіс дэбютаваў у Ла Лізе і нават забіў гол у пераможным з лікам 5:0 матчы супраць «Вільярэала». Аднак праз тыдзень, 10 верасня 2011 года чыліец пакінуў пляцоўку на насілках пасля 30 хвілін матча ў супрацьстаянні з «Рэал Сасьедадам». Санчэс вярнуўся да гульняў 1 лістапада 2011 года ў выязным матчы супраць чэшскай «Вікторыі»[9]. 10 снежня 2011 года ён забіў гол у браму «Рэала» ў пераможным матчы (1:3).

14 лютага 2012 года Санчэс забіў свае першыя галы ў Лізе чэмпіёнаў, дзякуючы чаму «Барселона» атрымала перамогу з лікам 3:1 у матчы супраць «Баера».

10 лютага 2013 года Санчэс забіў свой першы гол у Ла Лізе 2012/13 у хатнім матчы супраць «Хетафэ», які скончыўся з лікам 6:1[10]. З лютага Санчэс забіў у матчах супраць «Дэпартыва», «Мальёркі», басконскага «Атлетыка», «Бетыса», мадрыдскага «Атлетыка» і «Эспаньёла» да канца сезона.

5 студзеня 2014 года нападнік аформіў свой першы хет-трык у складзе «Барселоны» ў пераможным з лікам 4:0 матчы супраць «Эльчэ»[11].

«Арсенал»

[правіць | правіць зыходнік]

10 ліпеня 2014 года Санчэс падпісаў доўгатэрміновы кантракт з «Арсеналам», як паведамляецца, сума трансферу склала каля 30—35 млн фунтаў стэрлінгаў[12][13]. У складзе лонданскай каманды стаў адным з лідараў.

Улетку 2017 года нападніка планаваў набыць «Манчэстэр Сіці», з галоўным трэнерам якога Хасепам Гвардыёлам Санчэс працаваў у «Барселоне». Аднак «Арсенал» адмовіўся прадаваць іграка, і сезон 2017/18 ён пачаў у складзе лонданцаў.

«Манчэстэр Юнайтэд»

[правіць | правіць зыходнік]

У студзені 2018 года ў абмен на Генрыха Мхітарана перайшоў у «Манчэстэр Юнайтэд»[14].

«Інтэрнацыянале» і «Марсель»

[правіць | правіць зыходнік]

У жніўні 2019 года на правах арэнды далучыўся да італьянскага «Інтэрнацыянале»[15]. У жніўні 2020 года перайшоў у клуб на трывалай аснове, падпісаўшы трохгадовы кантракт[16]. У жніўні 2022 года кантракт з міланскім клубам па пагадненні бакоў быў разарваны[17], і неўзабаве Санчэс далучыўся да французскага «Марселя». У жніўні 2023 года вярнуўся ў «Інтэрнацыянале»[18].

Міжнародная кар’ера

[правіць | правіць зыходнік]
Санчэс у кашулі нацыянальнай зборнай Чылі

Санчэс дэбютаваў за зборную, калі яму яшчэ не было 18, і выклікаецца ў яе склад і дагэтуль. У 2010 годзе быў уключаны ў заяўку чылійцаў на чэмпіянат свету.

У 2015 годзе разам са сваёй зборнай стаў пераможцам хатняга Кубка Амерыкі, забіўшы вырашальны пенальці ў пасляматчавай серыі фінальнага матча супраць Аргенціны.

Дасягненні

[правіць | правіць зыходнік]

«Кола-Кола»:

«Рывер Плейт»:

«Барселона»:

«Арсенал»:

«Інтэрнацыянале»:

Крыніцы

[правіць | правіць зыходнік]
  1. ↑ http://www.fifa.com/fifa-tournaments/players-coaches/people=228627/index.html
  2. ↑ Alexis Sánchez // Transfermarkt — 2000. Праверана 9 кастрычніка 2017.
  3. ↑ Санчес обошелся «Барсе» гораздо дороже, чем все думают. Чемпионат.com
  4. ↑ El Barça fitxa Alexis Sánchez(недаступная спасылка). Lloc web oficial del FC Barcelona
  5. ↑ Алексис Санчес выбрал себе номер в «Барселоне» Архівавана 4 кастрычніка 2013. Футбольные трансферы
  6. ↑ Barça sign Alexis Sánchez Архівавана 29 ліпеня 2012.. FC Barcelona
  7. ↑ Alexis Sanchez joins Barcelona from Udinese for £23m. BBC Sport
  8. ↑ Alexis Sanchez sidelined one week with injury Архівавана 13 лістапада 2013.. Barcaloco.com.
  9. ↑ Report: Viktoria Plzen v Barcelona Архівавана 15 ліпеня 2012.. Soccernet.espn.go.com
  10. ↑ Sanchez relieved to break goal drought. ESPN
  11. ↑ First hat trick for Alexis Sánchez. FC Barcelona.
  12. ↑ Alexis Sanchez agrees to join Arsenal. Arsenal.com.
  13. ↑ Alexis Sanchez: Barcelona forward signs for Arsenal. BBC Sport.
  14. ↑ «МЮ» объявил о трансфере Санчеса, «Арсенал» — Мхитаряна. by.tribuna.com
  15. ↑ «Интер» арендовал Санчеса у «МЮ». by.tribuna.com
  16. ↑ Санчес заключил с «Интером» контракт до 2023 года. Клуб подписал его бесплатно. by.tribuna.com
  17. ↑ «Интер» объявил о расторжении контракта с Алексисом Санчесом. football.by
  18. ↑ Алексис Санчес вернулся в "Интер" (руск.). football.by (26 жніўня 2023). Праверана 26 жніўня 2023.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Алексіс_Санчэс&oldid=4882654"