Гарызонт (прадпрыемства)

З пляцоўкі Вікіпедыя
(Пасля перасылкі з Гарызонт, прадпрыемства)
Jump to navigation Jump to search
Холдынг «Гарызонт»
Тып ААТ
Заснаванне 1951
Размяшчэнне Сцяг Беларусі Рэспубліка Беларусь, Мінск, зав. С. Кавалеўскай, 62
Ключавыя фігуры генеральны дырэктар Прадко Юрый Іванавіч
Галіна вытворчасць спажывецкай электронікі і побытавай тэхнікі
Прадукцыя ВК-тэлевізары, ЗВЧ-печы, DVD-прайгравальнікі, пыласосы
Сайт horizont.by

Холдынг «Гарызонт», галаўное прадпрыемства ААТ "Кіравальная кампанія холдынгу «Гарызонт» (Адкрытае акцыянернае таварыства "Кіравальная кампанія холдынгу «Гарызонт», — мінскае прадпрыемства, найбуйнейшы ў Беларусі і адзін з найбуйнейшых у краінах СНД вытворца спажывецкай электронікі і побытавай тэхнікі.

Гісторыя[правіць | правіць зыходнік]

Завод «Гарызонт»
Радыёпрымач «Селена-215» («Акіян-215»)
Радыёпрымач «Верас РП-225» (1990)

Папярэднікам «ААТ Гарызонт» з’яўляўся Мінскі радыёзавод, створаны ў лістападзе 1940 года, да 23-х угодкаў кастрычніцкай рэвалюцыі.

У верасні 1939 года пасля заняцця Чырвонай Арміяй Вільні і рашэння савецкага кіраўніцтва перадаць яго Літве, усе віленскія заводы былі нацыяналізаваны а іх абсталяванне дэмантавана і адпраўлена ў СССР. Абсталяванне радыёзавода «Elektrit» было перавезена ў Мінск, дзе на базе лесапільна-мэблевага заводу «Дрэваапрацоўшчык» пачалі ствараць новы радыёзавод. Выбар месца будаўніцтва быў абгрунтаваны наступнымі фактарамі: 1) Адна са складаных аперацый — выраб драўляных карпусоў для радыёпрымачоў, складала ў той час чвэрць усёй працаёмкасці. 2) Завод «Дрэваапрацоўшчык» які вырабляў розныя віды мэблі, без адмысловых цяжкасцяў мог зладзіцца з задачай вырабу карпусоў для радыёпрымачоў.

Рэканструкцыя былога лесапільна-мэблевага прадпрыемства ў радыёзавод была ажыццёўлена ў лімітава сціснутыя тэрміны — пачата ў снежні 1939 года і скончана да лістапада 1940 года. Бо была скарыстана тэхналагічнае абсталяванне фірмы «Elektrit», завод стаў вырабляць і мадэлі радыёпрымачоў гэтай фірмы. Былі скарыстаны мадэлі радыёпрымачоў «Komandor» і «Herold» 1939 года, і ў 1940 годзе пачаўся выпуск супергетэродзіных радыёпрымачоў «КІМ», «Піянер» і «Маршал». Вонкавы выгляд радыёпрымачоў паўтараў польскія радыёпрымачы «Komandor» і «Herold», электрычная схема была перапрацавана і палепшана. Новы радыёзавод стаў звацца «Радыёзавод імя Молатава».

Падчас вайны Мінскі радыёзавод быў разбураны, аднак пасля вызвалення Мінска пачалося аднаўленне завода. З 1947 года радыёпрымач «Маршал» вырабляецца пад назвай «Мінск». На базе радыёпрымача «Мінск» з 1950 г, вырабляецца радыёла «Мінск Р7». У 50-х гадах пашыралася наменклатура радыётэхнічнай прадукцыі: «Мінск-55», «Мінск-58», «Беларусь-57»…. У 1957 годзе, радыёзавод пераназываюць у «Мінскі радыёзавод імя Леніна».

У 1960-х гадах сталі набіраць папулярнасць транзістарныя радыёпрымачы. На Рыжскім радыёзаводзе ВЭФ пачалася вытворчасць транзістарных прымачоў сямейства Спідола, першы такі прымач быў выпушчаны ў 1960 годзе. Масавы выпуск пачаўся ў 1962 г., прымач апынуўся вельмі ўдалым і хутка заваяваў папулярнасць у СССР. Канструкцыя «Спідолы» стала асновай для распрацоўкі шматлікіх наступных мадэляў, якія адрозніваліся шматлікімі ўдасканаленнямі. Адна з гэтых мадэляў «ВЭФ Транзістар-17», была ў 1968 г. перададзена на Мінскі радыёзавод, і на базе гэтай мадэлі пачаты выпуск сямейства прымачоў «Акіян».

У 2007 г. створана сумеснае прадпрыемства з кітайскай кампаніяй Midea Group па вытворчасці побытавай тэхнікі.

У 2010 г. прадпрыемства рэарганізавана ў холдынг «Гарызонт», які ўключае 4 бізнес-кірункі і дзесяць самастойных кампаній, што ўваходзяць у склад холдынгу.

Цікавыя факты[правіць | правіць зыходнік]

З 1959 г. па 1961 г. на прадпрыемстве працаваў токарам Лі Харві Освальд, найбольш верагодны забойца Джона Кенэдзі, 35-га прэзідэнта ЗША.

Крыніцы[правіць | правіць зыходнік]

Прадукцыя[правіць | правіць зыходнік]

На 2008 год асартымент прадукцыі складаецца з:

  1. Тэлевізары ЭПТ і ВК
  2. ВК-маніторы
  3. DVD-прайгравальнікі
  4. Аўдыёсістэмы
  5. Усталёўкі спадарожнікавага прыёму
  6. ЗВЧ-печы
  7. Радыёпрымачы
  8. MP3-плэеры
  9. Апаратура кабельнага ТБ
  10. Прасы
  11. Фены
  12. Пыласосы
  13. Кандыцыянеры

Гл. таксама[правіць | правіць зыходнік]

Спасылкі[правіць | правіць зыходнік]