Генадзь Аляксандравіч Фалей

Генадзь Аляксандравіч Фалей
Генадзь Аляксандравіч Фалей
Дата нараджэння	14 кастрычніка 1957 (66 гадоў)
Месца нараджэння	Задзвея, Вольнаўскі сельсавет, Гарадзішчанскі раён, Брэсцкая вобласць, БССР, СССР;
Грамадзянства	СССР; Беларусь;
Род дзейнасці	мастак, выкладчык універсітэта
Месца працы	Віцебскі дзяржаўны тэхналагічны ўніверсітэт;
Жанр	дэкаратыўна-прыкладное мастацтва
Вучоба	Віцебскі тэхналагічны інстытут лёгкай прамысловасці (1987);
Член у	Беларускі саюз мастакоў;

Генадзь Аляксандравіч Фалей (нар. 14 кастрычніка 1957, в. Задзвея Баранавіцкага раёна Брэсцкай вобласці) — беларускі мастак дэкаратыўна-прыкладнога мастацтва (габелен, ручное ткацтва, аб’ёмны тэкстыль), педагог .

Біяграфія[правіць | правіць зыходнік]

Займаўся ў Баранавіцкай студыі выяўленчага мастацтва ў Дз. Цырліна (1973—1976). Скончыў Віцебскі дзяржаўны тэхналагічны інстытут лёгкай прамысловасці па спецыяльнасці «Мастацкае афармленне і мадэліраванне вырабаў тэкстыльнай і лёгкай прамысловасці» (1987). Вучыўся ў А. Філіпенкі. З 1982 года жыве ў Віцебску. Член творчага аб’яднання «Аршыца». З 2000 года выкладае ў Віцебскім дзяржаўным тэхналагічным універсітэце на кафедры дызайну. Член Беларускага саюза мастакоў (1996).

Творчасць[правіць | правіць зыходнік]

Працуе ў галіне ручнога ткацтва, аб’ёмнага тэкстылю, аб’екта. Удзельнік мастацкіх выставак з 1988 года.

Сярод твораў: габелены «Арнамент» (2000), «Падарожжа па Віцебску» (2001), «Кампазіцыя» (2002); тэкстыльныя кампазіцыі «Ікар I—II» (2002), «Кампазіцыя I, II, II, IV» (2003); інсталяцыі «Дом для піяніна» (2002), «Ікар III» (2005), «Цішыня» (2006), «Божа, захавай Беларусь» (2007), «Ён і яна» (2009), «Спіраль» (2010), «Вернісаж» (2010), «Хаос» (2010); арт-аб’екты «Пацеркі для каханай II» (2008), «Ікар IV» (Германія, 2009) і інш.

Працы мастака знаходзяцца ў Музеі Марка Шагала ў Віцебску, Баранавіцкім краязнаўчым музеі, Музеі сучаснага выяўленчага мастацтва ў Мінску.

Літаратура[правіць | правіць зыходнік]

Цыбульский, М. Л. Фалей Геннадий Александрович / М. Л. Цыбульский // Регионы Беларуси : энцикл. : в 7 т. / редкол.: Т. В. Белова (гл. ред.) [и др.]. — Мн. : Беларус. Энцыкл. імя П. Броўкі, 2011. — Т. 2 : Витебская область. Кн. 2. — С. 556.
Фалей Генадзь Аляксандравіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б.А.Крэпак і інш.. — Мн.: ВТАА «Кавалер Паблішерс», 1998. — С. 551. — 663 с. — 3 000 экз. — ISBN 985-6427-09-6.

Спасылкі[правіць | правіць зыходнік]