Георгій Барысавіч Талстарожаў

Георгій Барысавіч Талстарожаў
руск.: Георгий Борисович Толсторожев
Дата нараджэння	28 лістапада 1945(1945-11-28) (78 гадоў)
Месца нараджэння	Ліскі, Гарадское паселішча Ліскі[d], Ліскінскі раён, Варонежская вобласць, РСФСР, СССР
Грамадзянства	СССР  Беларусь
Род дзейнасці	навуковец
Навуковая сфера	фізіка, оптыка і спектраскапія
Месца працы	Інстытут фізікі імя Б. І. Сцяпанава НАН Беларусі Інстытут малекулярнай і атамнай фізікі НАН Беларусі
Навуковая ступень	доктар фізіка-матэматычных навук (1985)
Навуковае званне	прафесар (1993)
Альма-матар	БДУ (1967)
Прэміі

Георгій Барысавіч Талстаро́жаў (руск.: Георгий Борисович Толсторожев; 28 лістапада 1945) — вучоны-фізік, доктар фізіка-матэматычных навук (1985), прафесар (1993).

Біяграфія

Нарадзіўся ў горадзе Ліскі Варонежскай вобласці Расіі. У 1967 годзе скончыў Беларускі дзяржаўны ўніверсітэт. У 1967—1992 гадах працаваў у Інстытуце фізікі імя Б. І. Сцяпанава Нацыянальнай акадэміі навук Беларусі. У 1984 годзе абараніў доктарскую дысертацыю. З 1992 года Г. Б. Талстарожаў працуе ў Інстытуце малекулярнай і атамнай фізікі НАН Беларусі.

Навуковая дзейнасць

Аўтар і сааўтар навуковых прац у галіне оптыкі і сперктаскапіі, па люмінесцэнцыі складаных малекул у газавай фазе, рэлаксацыйных працэсах у біялагічных малекулах, даследаванні механізмаў дысацыяцыі адзінарных сувязей у малекулах дысульфідаў. Адзін са стваральнікаў фемтасекунднага лазернага спектрометра. Аўтар шэрагу вынаходстваў.

Сярод апублікаванага:

• Сенсибилизованная антистоксова аннигиляционная люминесценция многоатомных молекул в газовой фазе / Н. А. Борисевич, Г. Б. Толсторожев, А. А. Котов // Доклады АН СССР, 203:3 (1972);
• Безызлучательные переходы в изолированных молекулах / Ордена Труд. Красного Знамени Ин-т физики АН БССР. — Минск : Б. и., 1971. — 43 с. : ил. ; 20 см;
• ИК-спектроскопические признаки злокачественных новообразований щитовидной железы / Толсторожев, Г. Б. Скорняков, И. В. Бутра, В. А. // Журнал прикладной спектроскопии. 2012. — Т. 79, № 1. — С. 155—159;
• Инфракрасная спектроскопия водородных связей в производных бензойной кислоты / Толсторожев Г. Б., Бельков М. В., Скорняков И. В., Базыль О. К., Артюхов В. Я., Майер Г. В., Шадыро О. И., Кузовков П. В., Бринкевич С. Д., Самович С. Н. // Журнал прикладной спектроскопии — 2014. — Т. 81. — С. 111—119;
• Спектральное проявление и диагностика биологической активности гидроксилсодержащих ароматических соединений / Г. Б. Толсторожев, Г. В. Майер, М. В. Бельков. // Известия ВУЗов / Министерство образования Российской Федерации, Томский государственный университет. — Томск : СФТИ, 2014. — С. 72—78.

Узнагароды

Лаўрэат Прэміі Ленінскага камсамола 1978 года — за цыкл прац па спектраскапічным даследаванні фізічных з’яў і рэлаксацыйных працэсаў у крышталях і малекулах.

Літаратура

• Талстарожаў Георгій Барысавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 405. — 10 000 экз. — ISBN 985-11-0035-8. — ISBN 985-11-0251-2 (т. 15).

Спасылкі

• Толсторожев, Георгий Борисович (кандидат физико-математических наук) (руск.) // Электронны каталог РНТБ
• Толсторожев Георгий Борисович // Банк патентов РФ на изобретения и промышленные образцы ФИПС Роспатента (руск.)