Дзеткавічы (Баранавіцкі раён)

Вёска Дзеткавічы Краіна Беларусь Вобласць Брэсцкая Раён Баранавіцкі Сельсавет Жамчужненскі Каардынаты 53°06′59″ пн. ш. 25°41′44″ у. д. Першая згадка 1567 Насельніцтва ▼14 чал. (2009) Часавы пояс UTC+3 Тэлефонны код +375 163 Аўтамабільны код 1 СААТА 1204815026 Дзеткавічы на карце Беларусі ±

Дзе́ткавічы (трансліт.: Dzietkavičy, руск.: Детковичи) — вёска ў Баранавіцкім раёне Брэсцкай вобласці. Уваходзіць у склад Жамчужненскага сельсавета. Размешчаны за 25 км на захад ад Баранавічаў, за 5 км ад чыгуначнай станцыі Палонка на лініі Баранавічы — Ваўкавыск.

Да вёскі далучаны суседні хутар Хаткі.

Гісторыя

Вядомы з 1567 года ў складзе маёнтка шляхціча П. Падарэўскага, які выстаўляў з усіх сваіх уладанняў у войска Вялікага Княства Літоўскага 9 конных воінаў.

З канца XVIII стагоддзя ў складзе Расійскай імперыі.

У 1897 годзе вёска ў Навамышскай воласці Навагрудскага павета Мінскай губерні.

З 1921 года ў складзе Польскай Рэспублікі, у Навамышскай гміне Баранавіцкага павета Навагрудскага ваяводства. Побач з вёскай знаходзіўся аднайменны фальварак, дзе было 7 двароў і 67 жыхароў.

З 1939 года ў складзе БССР. З 15 студзеня 1940 года ў Навамышскім раёне Баранавіцкай, з 8 студзеня 1954 года Брэсцкай абласцей, з 8 красавіка 1957 года ў Баранавіцкім раёне.

У Вялікую Айчынную вайну з канца чэрвеня 1941 года да 9 ліпеня 1944 года вёска акупіравана нямецка-фашысцкімі захопнікамі. На франтах вайны загінула 11 вяскоўцаў.

Да 1985 года ўваходзіла ў склад Палонкаўскага сельсавета.

Насельніцтва

• 30 дамоў, 184 жыхары (1921)
• 512 жыхароў (1939)
• 216 жыхароў (1959)
• 121 жыхар (1970)
• 34 двары, 39 жыхароў (1998)
• 23 гаспадаркі, 38 жыхароў (2005)

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх