Дзмітрый Леанідавіч Піневіч
Дзмітрый Леанідавіч Піневіч | |||||||
---|---|---|---|---|---|---|---|
| |||||||
|
|||||||
Прэзідэнт | Аляксандр Лукашэнка | ||||||
Кіраўнік урада | Раман Галоўчанка | ||||||
Папярэднік | Уладзімір Каранік | ||||||
|
|||||||
Нараджэнне |
17 кастрычніка 1967 (56 гадоў) |
||||||
Адукацыя | |||||||
Месца працы | |||||||
Узнагароды |
Дзмітрый Леанідавіч Піневіч (нар. 17 кастрычніка 1967, в. Ілья, Вілейскі раён, Мінская вобласць, БССР) — беларускі ўрач, спецыяліст у галіне арганізацыі аховы здароўя[1], дзяржаўны дзеяч. Выконваючы абавязкі міністра аховы здароўя Беларусі (з 2020).
Біяграфія
Нарадзіўся ў сям’і настаўнікаў. Бацька — ураджэнец вёскі Расна Дрыбінскага раёна, прыехаў у Іллю пагасціць да брата, уладкаваўся ў Ільінскі аграрны каледж, дзе выкладаў тэхнічныя дысцыпліны, адзін час быў дырэктарам навучальнай установы. Маці — Ганна Піневіч, нарадзілася ў Лідскім раёне, скончыла Мінскі лінгвістычны інстытут, трапіла па размеркаванні ў аграрны каледж выкладчыцай[2].
Пасля заканчэння школы ў 1984—1990 гадах навучаўся ў Ленінградскай ваенна-медыцынскай акадэміі імя С. М. Кірава на факультэце лячэбнай справы[3], якую скончыў з чыровным дыпломам[2].
Па размеркаванні ў 1990—1992 гадах працаваў урачом медыцынскай службы в/ч 78530 у горадзе Вазнясенску Мікалаеўскай вобласці УССР[3].
Вярнуўся ў Беларусь, дзе на працягу дзесяці гадоў працаваў у розных паліклініках і бальніцах Мінска: у 1993—1994 гадах — урачом-хірургам 36-й гарадской паліклінікі, у 1994—1999 гадах — намеснікам галоўнага ўрача па медыцынскай частцы для грамадзянскай абароны 5-й гарадской клінічнай бальніцы, у 1999—2002 гадах — галоўным урачом 6-й гарадской клінічнай бальніцы[3].
З 2002 года — на адміністрацыйных пасадах[2]. У студзені—чэрвені 2002 года быў начальнікам упраўлення кантролю органаў аховы здароўя, сацыяльнай абароны, спорту і турызму ўпраўлення кантролю за работай галін сацыяльнай сферы Камітэта дзяржаўнага кантролю Рэспублікі Беларусь[3].
У 2002—2011 гадах узначальваў камітэт па ахове здароўя Мінгарвыканкама[3].
У 2005 годзе скончыў Акадэмію кіравання пры Прэзідэнце Рэспублікі Беларусь па спецыяльнасці «дзелавое адміністраванне»[3].
У 2011—2020 гадах — першы намеснік міністра аховы здароўя Беларусі. 24 жніўня 2020 года, пасля адстаўкі Уладзіміра Караніка, Аляксандр Лукашэнка прызначыў Дзмітрыя Піневіча выканаўцам абавязкаў міністра аховы здароўя Беларусі[4].
З’яўляецца старшынёй медыцынскай і антыдопінгавай камісіі НАК Беларусі[3].
Узнагароды
Узнагароджаны медалём «За працоўныя заслугі»[3].
Зноскі
- ↑ Пиневич, Дмитрий Леонидович (род. 1967). // Сводный электронный каталог библиотек Беларуси. (руск.)
- ↑ а б в Хто такі Дзмітрый Піневіч, які стаў на месца Караніка? // Наша ніва, 24 жніўня 2020. (бел.)
- ↑ а б в г д е ё ж Пиневич Дмитрий Леонидович. // Национальный олимпийский комитет Республики Беларусь (руск.)
- ↑ Дзмітрый Піневіч будзе выконваць абавязкі міністра аховы здароўя Беларусі. // Звязда, 24 жніўня 2020. (бел.)
Спасылкі
- Дзмітрый Леанідавіч Піневіч на сайце Міністэрства аховы здароўя Беларусі.
- Нарадзіліся 17 кастрычніка
- Нарадзіліся ў 1967 годзе
- Нарадзіліся ў Вілейскім раёне
- Выпускнікі Ваенна-медыцынскай акадэміі
- Выпускнікі Акадэміі кіравання пры Прэзідэнце Рэспублікі Беларусь
- Постаці Мінскага гарадскога выканаўчага камітэта
- Кавалеры ордэна Пашаны (Беларусь)
- Узнагароджаныя медалём «За працоўныя заслугі»
- Узнагароджаныя Ганаровай граматай Савета Міністраў Рэспублікі Беларусь
- Асобы