Дзяніс Мікалаевіч Шчарбіцкі

З Вікіпедыі, свабоднай энцыклапедыі
(Пасля перасылкі з Дзяніс Шчарбіцкі)
У Вікіпедыі ёсць артыкулы пра іншых асоб з прозвішчам Шчарбіцкі.
Футбол
Дзяніс Шчарбіцкі
Агульная інфармацыя
Поўнае імя Дзяніс Мікалаевіч Шчарбіцкі
Нарадзіўся 14 красавіка 1996(1996-04-14)[1][2] (28 гадоў)
Грамадзянства  Беларусь
Рост 197 см
Вага 92 кг[3]
Пазіцыя брамнік
Інфармацыя пра клуб
Клуб Расія Урал
Нумар 77
Клубная кар’ера[* 1]
2014—2022 Беларусь БАТЭ (Барысаў) 80 (-54)
2023— Расія Урал (Екацярынбург) 0 (0)
Нацыянальная зборная[* 2]
2012—2013 Беларусь Беларусь (да 17) 5 (-14)
2015—2018 Беларусь Беларусь (да 21) 16 (-21)
2018 Беларусь Беларусь 1 (-2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 24 студзеня 2024.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 16 кастрычніка 2018

Дзяніс Шчарбіцкі (нар. 14 красавіка 1996, Мінск) — беларускі футбаліст, брамнік расійскага клуба «Урал» з Екацярынбурга.

Клубная кар’ера[правіць | правіць зыходнік]

Выхаванец дзіцячай школы мінскага МТЗ-РІПА, пазней трапіў у структуру барысаўскага БАТЭ. З 2014 года пачаў выступаць за дубль, таксама ў 2014 і 2015 гадах выступаў за барысаўскі клуб у Юніёрскай лізе УЕФА.

З 2015 года пачаў прыцягвацца да асноўнай каманды. 7 ліпеня 2016 года дэбютаваў у аснове БАТЭ ў матчы Вышэйшай лігі супраць «Іслачы» (3:1). Да канца сезона 2016 згуляў яшчэ ў чатырох матчах чэмпіянату. У верасні 2016 года падпісаў новы кантракт з БАТЭ[4].

У сезоне 2017 стаў асноўным брамнікам БАТЭ, правёў за каманду 23 матчы ў чэмпіянаце Беларусі, 4 у Лізе чэмпіёнаў і 8 у Лізе Еўропы. Па выніках сезона 2017 быў прызнаны найлепшым брамнікам чэмпіянату Беларусі. У студзені 2019 года падоўжыў кантракт з барысаўчанамі[5]. Пачынаў сезон 2019 у якасці асноўнага брамніка, аднак у чэрвені атрымаў траўму і да канца года на полі не з’яўляўся. Траўмы пераследавалі футбаліста і ў наступныя гады: у сезоне 2020 чаргаваўся з Антонам Чычканам, а ў 2021 годзе ўвогуле не з’яўляўся на полі.

У лютым 2022 года яшчэ на год падоўжыў пагадненне з БАТЭ[6]. Толькі з лета пачаў пачаў трапляць у заяўку каманды на матчы, у сезоне 2022 правёў дзве гульні ў Вышэйшай лізе. У пачатку 2023 года з-за забароны Міністэрства спорту і турызму не трапіў у заяўку БАТЭ на сезон і не ўдзельнічаў у афіцыйных матчах.

У ліпені 2023 года перайшоў у екацярынбургскі «Урал»[7]. У студзені 2024 года падпісаў новы доўгатэрміновы кантракт з клубам[8].

Міжнародная кар’ера[правіць | правіць зыходнік]

У 2012—2013 гадах гуляў за юнацкую зборную Беларусі ў кваліфікацыі чэмпіянату Еўропы.

17 студзеня 2015 года дэбютаваў у моладзевай зборнай Беларусі, выйшаўшы на замену ў канцы матча супраць Эстоніі на Кубку Садружнасці ў Санкт-Пецярбургу. Пазней стаў асноўным брамнікам моладзевай зборнай.

9 чэрвеня 2018 года дэбютаваў у нацыянальнай зборнай Беларусі, адгуляўшы ўсе 90 хвілін у таварыскім матчы супраць Фінляндыі (0:2).

Дасягненні[правіць | правіць зыходнік]

Статыстыка выступленняў[правіць | правіць зыходнік]

Сезон Дывізіён Клуб Краіна Матчы Галы
2013 дубль БАТЭ Беларусь 0 0
2014 дубль БАТЭ Беларусь 6 −6
2015 дубль БАТЭ Беларусь 3 −3
2016 Д1 БАТЭ Беларусь 5 −3
2017 Д1 БАТЭ Беларусь 23 −12
2018 Д1 БАТЭ Беларусь 26 −18
2019 Д1 БАТЭ Беларусь 10 −3
2020 Д1 БАТЭ Беларусь 14 −15
2021 Д1 БАТЭ Беларусь 0 0
2022 Д1 БАТЭ Беларусь 2 −3

Грамадзянская пазіцыя[правіць | правіць зыходнік]

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[9].

Крыніцы[правіць | правіць зыходнік]

  1. ↑ Denis Shcherbitski // Transfermarkt — 2000. Праверана 9 кастрычніка 2017.
  2. ↑ Denis Scherbitskiy // FBref.com
  3. ↑ https://fcbate.by/team/base/4
  4. ↑ Футбол. Денис Щербицкий продлил контракт с БАТЭ (руск.)(недаступная спасылка). pressball.by (21 верасня 2016). Архівавана з першакрыніцы 24 верасня 2016.
  5. ↑ Денис Щербицкий продлил контракт с БАТЭ (руск.). football.by (15 студзеня 2019). Праверана 24 студзеня 2024.
  6. ↑ БАТЭ на один сезон продлил контракт со Щербицким (руск.). football.by (1 лютага 2022). Праверана 24 студзеня 2024.
  7. ↑ Щербицкий стал игроком "Урала" (руск.). football.by (5 ліпеня 2023). Праверана 24 студзеня 2024.
  8. ↑ Щербицкий, ни разу не сыграв за "Урал", подписал новый контракт с клубом (руск.). football.by (19 студзеня 2024). Праверана 24 студзеня 2024.
  9. ↑ 93 беларускія футбалісты выступілі з асуджэннем гвалту ВІДЭА . Наша Ніва (12 верасня 2020). Праверана 24 студзеня 2024.
Узята з "https://be.wikipedia.org/w/index.php?title=Дзяніс_Мікалаевіч_Шчарбіцкі&oldid=4664656"