Дом Орды

Славутасць
Дом Орды
52°06′52″ пн. ш. 26°06′44″ у. д.
Краіна	Беларусь
Месцазнаходжанне	Пінск
Архітэктурны стыль	цагляны стыль[d]
Статус	Гісторыка-культурная каштоўнасць Беларусі, шыфр 112Е000529
Медыяфайлы на Вікісховішчы

Дом Орды — будынак у гістарычным цэнтры Пінска, размешчаны па адрасе вуліца Леніна, 38-40, на рагу з вуліцай Бутрымовіча.

Гісторыя

Пабудаваны ў канцы XIX стагоддзя (па некаторых звестках у пачатку ХХ стагоддзя) у эклектычным стылі для Леанціны, нявесткі Напалеона Орды.

З 25 студзеня па 5 сакавіка 1919 года ў гэтым доме знаходзіўся штаб 2-га савецкага Паўстанцкага Палескага палка пад камандаваннем Фёдара Казубоўскага, які вызваліў Пінск ад кайзераўскіх акупантаў, пра што сведчыць памятная таблічная на будынку. У міжваенны перыяд тут размячалася бібліятэка Орды, якая налічвала больш за 1400 кніг.

Архітэктура

Будынак двухпавярховы, складаецца з 2 частак, аб’яднаных адзіным праездам. Вугал дома на скрыжаванні вуліц зрэзаны і вылучаны гранёным эркерам, які навісае пад уваходам. У завершы вугла — фігурны шчыт у форме какошніка, дэкарыраванага філёнгамі і арнаментам з цаглянай муроўкі. Пластыку фасадаў узбагачаюць фігурныя ліштвы акон, лапаткі, філёнгі, пінаклі, руст. Уваходны рызаліт завершаны ступеньчатым атыкам.

• 
  Фасад па вуліцы Леніна (№ 40)
• 
  Філянговыя дзверы
• 
  Філянговыя дзверы
• 
  Балкон
• 
  Вітрына крамы
• 
  Задні фасад

Літаратура

• А. М. Кулагін. 1212. Забудова вуліцы Леніна // Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1984. — Брэсцкая вобласць. — С. 285. — 368 с., іл.
• Т. В. Габрусь, А. Н. Кулагин. 1354. Застройка улицы Ленина // Свод памятников истории и культуры Белоруссии (руск.) / АН БССР, Ин-т искусствоведения, этнографии и фольклора; Редкол.: С. В. Марцелев (гл. ред.) и др. — Мн.: БелСЭ, 1990. — Брестская область. — С. 317. — 424 с.: ил. — ISBN 5-85700-017-3.

Спасылкі

• На Вікісховішчы ёсць медыяфайлы па тэме Дом Орды