Драконавыя горы
| Драконавыя горы | |
|---|---|
| англ. Drakensberg, афрык. Drakensberge, зулу uKhahlamba, сота Maluti ці Maloti | |
 Драконавыя горы | |
| Краіны | |
| Плошча | 402 418 км² |
| Даўжыня | 1 169 км |
| Шырыня | 732 км |
| Найвышэйшая вяршыня | Табана-Нтленьяна |
| Вышэйшая кропка | 3482 м |
 Аўдыё, фота і відэа на Вікісховішчы | |
Драконавыя горы (афр.: Drakensberge) — ланцуг гор у Паўднёвай Афрыцы, які знаходзіцца на тэрыторыі Паўднёва-Афрыканскай Рэспублікі, Лесота, Эсваціні.
Найвышэйшым пунктам з’яўляецца гара Табана-Нтленьяна (3482 м). Ланцуг гор расцягнуўся на амаль 1000 км з паўднёвага захаду на паўночны ўсход Паўднёвай Афрыкі. Горы глыбока прарэзаныя далінамі рэк; на ўсходніх схілах знаходзяцца вечназялёныя ліставыя ды хваёвыя лясы, на заходніх — саваны, хмызнякі; нацыянальны парк Наталь. Карысныя выкапні: пла́ціна, марганцазмяшчальныя руды, золата, каменны вугаль і іншае.
Назва[правіць | правіць зыходнік]
На мове зулу ланцуг гор мае назву uKhahlamba, што азначае «перашкода для коп’яў».
Рэльеф[правіць | правіць зыходнік]
Найвышэйшы пункт ланцугу гор — г. Табана-Нтленьяна (афр.: Thabana Ntlenyana) — 3482 м. Далей паводле вышыні размясціліся — г. Мафадзі (Mafadi) — 3450 м, Макааненг (Makoaneng) — 3416 м, Нджэсуці (Njesuthi) — 3408 м. Усе гэтыя вяршыні знаходзяцца на памежжы з Лесота; на поўнач ад мяжы горы робяцца ніжэйшымі, а таму лягчэйшымі для ўзыходжання.
Драконавыя горы — месца, дзе размясціўся другі па вышыні вадаспад у свеце — Тугела (947 м).
Раслінны і жывёльны свет[правіць | правіць зыходнік]
Драконавыя горы — дом для шматлікіх (2153) відаў раслін, у тым ліку водных, лясных, горных і стэпавых відаў. Шмат раслін занесеныя ў Чырвоную кнігу.
Паводле дадзеных у гарах пражываюць птушкі 299 відаў, што складае да 37 % ад усіх немарскіх птушыных відаў Паўднёвай Афрыкі[1].
Зноскі
Спасылкі[правіць | правіць зыходнік]
|
Сусветная спадчына ЮНЕСКА, аб'ект № 985 рус. • англ. • фр. |
На Вікісховішчы ёсць медыяфайлы па тэме Драконавыя горы- KZN Drakensberg Homepage — Official Website for the KwaZulu Natal Drakensberg.
- Cathkin Estates Conservation and Wildlife Sanctuary — the largest privately owned game park in the Drakensberg.
- Nature — Drakensberg: Barrier of Spears — PBS Nature episode covering the eland (largest member of antelope family) of the Drakensberg.
- Drakensberg alti-montane grasslands and woodlands ecoregion report
- Drakensberg hiking trails
