Кандрат Лейка

Кандрат Лейка
Асабістыя звесткі
Дата нараджэння	17 верасня 1860(1860-09-17)
Месца нараджэння	Збочна, Слонімскі павет, Гродзенская губерня, Літоўскае генерал-губернатарства, Расійская імперыя
Дата смерці	16 верасня 1921(1921-09-16) (60 гадоў)
Месца смерці	Здалбунаў, Украіна
Альма-матар	Свіслацкая настаўніцкая семінарыя
Прафесійная дзейнасць
Род дзейнасці	драматург, пісьменнік
Мова твораў	беларуская
Творы ў Вікікрыніцах
Медыяфайлы на Вікісховішчы

Кандрат Лейка (5 (17) верасня 1860, в. Збочна на Слонімшчыне — 6 верасня 1921, г. Здалбунаў, цяпер Ровенская вобласць, Украіна) — беларускі пісьменнік, празаік, драматург і педагог.

Біяграфія

Вучыўся ў Азярніцкім вучылішчы, Свіслацкай настаўніцкай семінарыі за казённы кошт. З 1879 года па накіраванні працаваў настаўнікам у Косаве. У лютым 1918 года Кандрата Лейку паралізавала, яго перавезлі ў г. Здалбунаў (на Валыні) да брата, дзе ён памёр і пахаваны.

Творчасць

«Снатворны мак». 1912

Пачаў пісаць вершы для дзяцей па-беларуску на пачатку 1880-х гадоў. Захаваліся вершы датаваныя 1883 годам («Сарока», «Песня ластаўкі», «Бусел»). Творы К. Лейкі друкавала «Наша ніва», «Наша думка» і «Беларускі календар» у 1911—1921 гадах. У 1912 годзе ў Вільні К. Лейка выдаў асобным выданнем п'есу «Снатворны мак» — першую п'есу для беларускага лялечнага тэатра.

У 2015 годзе у выдавецтве «Кнігазбор» выйшаў зборнік К. Лейкі «Пан Трудоўскі», яго ўкладальнік — Сяргей Чыгрын, шмат гадоў збіраў творы аўтара па архівах і бібліятэках, ён жа напісаў да зборніка прадмову і склаў каментарыі.

Літаратура

• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 89. — 10 000 экз. — ISBN 985-11-0035-8. — ISBN 985-11-0155-9 (т. 9).
• Баль Б. Праз 100 гадоў выйшла першая кніга аўтара «Нашай нівы» Архівавана 24 красавіка 2017. // Беларускае Радыё «Рацыя» — racyja.com, 02 сакавіка 2015
• Календарыюм // «Czasopis». № 9, 2005.

Спасылкі

• Лейка Кандрат Тодаравіч на сайце анлайн-энцыклапедыі «Беларусь у асобах і падзеях»