Перайсці да зместу

Канстанцін Міхайлавіч Галкоўскі

З Вікіпедыі, свабоднай энцыклапедыі
(Пасля перасылкі з Канстанцін Галкоўскі)
У Вікіпедыі ёсць артыкулы пра іншых людзей з прозвішчам Галкоўскі.
Канстанцін Галкоўскі
Асноўная інфармацыя
Поўнае імя Канстанцін Міхайлавіч Галкоўскі
Дата нараджэння 16 чэрвеня 1875(1875-06-16)
Месца нараджэння
Дата смерці 20 лютага 1963(1963-02-20) (87 гадоў)
Месца смерці
Месца пахавання
Краіна
Альма-матар
Музычная дзейнасць
Педагог Мікалай Андрэевіч Рымскі-Корсакаў, Аляксандр Канстанцінавіч Глазуноў і Анатоль Канстанцінавіч Лядаў
Прафесіі кампазітар
Узнагароды
Лагатып Вікісховішча Медыяфайлы на Вікісховішчы

Канстанцін Міхайлавіч Галкоўскі (літ.: Kostantinas Galkauskas; 16 чэрвеня 1875(1875-06-16), Вільня — 20 лютага 1963(1963-02-20), Вільня) — беларускі і літоўскі кампазітар, дырыжор і педагог. Народны артыст Літоўскай ССР (1955)[1].

Біяграфія

[правіць | правіць зыходнік]
Рыгор Шырма і Канстанцін Галкоўскі разам з маладымі беларускімі літаратарамі, 1920-я

Нарадзіўся 16 чэрвеня 1875 года ў Вільні. Беларус. Бацька яго паходзіў з Магілёўшчыны, а маці — з Міншчыны.

У 1908 годзе скончыў Пецярбургскую кансерваторыю[1], вучань М. Рымскага-Корсакава, А. Глазунова, А. Лядава. Яго дыпломнай працай была трохактовая опера «Цыганы» па паэме А. Пушкіна. За гэтую дыпломную працу, як прыгадваў Рыгор Шырма, Канстанціну Галкоўскаму педагагічная рада кансерваторыі ў 1908 годзе прысудзіла залаты медаль. З 1908 года на педагагічнай працы, з 1945 года — у кансерваторыі[1]. Прафесар Літоўскай кансерваторыі.

Па вайне кантактаваў з тымі са старэйшага пакалення беларусаў, хто жыў у Вільні і не быў рэпрэсаваны. З Беларусі часта да яго заязджалі Максім Танк, Рыгор Шырма. У 1959 годзе ў яго гасціў беларускі пісьменнік і перакладчык Алесь Траяноўскі.

Памёр 20 лютага 1963 года ў Вільні. Пахаваны ў Вільні на Антокальскіх могілках.

Творчасць

[правіць | правіць зыходнік]
Апрацоўка народнай песні з Ашмянскага павета «Вецер вее»

Аўтар многіх твораў заснаваных на беларускім фальклоры, музыкі рамансаў і хораў на вершы беларускіх паэтаў Ф. Багушэвіча, Я. Купалы, Я. Коласа, М. Танка, Зм. Бядулі, К. Буйло, апрацовак беларускіх народных песень і народных харавых сюіт «Дуда» і «Каханне» (апошняя — з сімфанічным аркестрам)[1].

Апрацоўкі і арыгінальныя хары Галкоўскага ўваходзяць у рэпертуар Дзяржаўнай харавой капэлы БССР[1].

Зноскі

  1. ↑ а б в г д Галковский (Галкаускас) Константин Михайлович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 135. — 737 с.

Літаратура

[правіць | правіць зыходнік]
  • Луцкевіч Л., Войцік Г. Канстаньцін Галкоўскі. — Вільня: Рунь, 2001.
  • Календарыюм // «Czasopis» № 02/2003.
  • Галко́ўскі Канстанцін Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 204. — 800 с. — 5 000 экз. — ISBN 985-11-0026-9.

Спасылкі

[правіць | правіць зыходнік]
Узята з "https://be.wikipedia.org/w/index.php?title=Канстанцін_Міхайлавіч_Галкоўскі&oldid=4932477"