Касцёл Нараджэння Найсвяцейшай Дзевы Марыі (Зарачанка)

З пляцоўкі Вікіпедыя
Jump to navigation Jump to search
Славутасць
Касцёл Нараджэння Найсвяцейшай Дзевы Марыі
Zaračanka 231737, Belarus - panoramio (1).jpg
53°44′18,70″ пн. ш. 23°44′39,57″ у. д.HGЯO
Краіна Беларусь
Месцазнаходжанне
Канфесія Каталіцызм
Архітэктурны стыль неаготыка
Стан дзейнічае

Касцёл Маці Божай Ружанцовай — рымска-каталіцкі храм, знаходзіцца на паўднёва-ўсходняй ускраіне вёскі Зарачанка Гродзенскага раёна. Пабудаваны ў 1937 годзе з цэглы. Помнік архітэктуры постнеаготыкі. Дзейнічае.

Гісторыя[правіць | правіць зыходнік]

Парафія Баля Касцёльная была ўтворана ў 1927 годзе, адразу пачалося будаўніцтва касцёла на ахвяраванні парафіян. У 1937 годзе касцёл быў асвечаны пад тытулам Нараджэння Найсвяцейшай Дзевы Марыі. У Варшаве быў заказаны галоўны алтар, аднак выбух Другой сусветнай вайны не даў магчымасці рэалізаваць заказ.

У 1962 годзе касцёл быў закрыты дзяржаўнымі ўладамі. У 1989 храм вернуты парафіянам, пачаўся рамонт. 3 верасня 1989 года адбылася ўрачыстасць адкрыцця касцёла. Ксёндз біскуп Тадэвуш Кандрусевіч асвяціў адрамантаваную святыню.

Архітэктура[правіць | правіць зыходнік]

Касцёл мураваны, атынкаваны, на каменным падмурку. Пераважае вертыкальная накіраванасць архітэктурных мас. На пазбаўленых краповак плоскасных фасадах — спічастыя высокія вітражныя аконныя праёмы. Актыўнай дынамікай надзелены галоўны фасад з урэзанай у яго плоскасць 2-яруснай 4-граннай шатровай вежай і прытворам перад ёй. Востраканечны шчыпец уваходнага партала завершаны скульптурнай выявай Найсвяцейшай Дзевы Марыі, што ўзмацняе гатычную вертыкальную кампазіцыю. Прамавугольны асноўны аб’ём накрыты высокім 2-схільным дахам з вальмамі над 5-граннай апсідай, да якой па баках далучаюцца сакрысціі.

У інтэр’еры атынкаваныя сценыкрапаваны пілястрамі. У 1999 годзе былі выкананы дубовыя алтары: галоўны і бакавыя.

Зноскі

Літаратура[правіць | правіць зыходнік]

  • Кулагін А. М. Каталіцкія храмы на Беларусі: Энцыкл. даведнік / А. М. Кулагін; маст. І. І. Бокі. — 2-е выд. — Мн.: БелЭн, 2001.— 216 с.: іл. ISBN 985-11-0199-0.

Спасылкі[правіць | правіць зыходнік]