Керсці Кальюлайд

Керсці Кальюлайд
эст.: Kersti Kaljulaid
5-ы прэзідэнт Эстоніі 10 кастрычніка 2016 — 11 кастрычніка 2021
Папярэднік	Тоамас Хендрык Ільвес
Пераемнік	Alar Karis[d]
Нараджэнне	30 снежня 1969(1969-12-30) (51 год) Тарту, Эстонская ССР, СССР
Муж	Georgi-Rene Maksimovski[d]
Веравызнанне	лютэранства
Член у	Еўрапейская падліковая палата
Адукацыя	Тартускі ўніверсітэт (1992) Tallinn Mustamäe College[d]
Дзейнасць	дзяржаўны служачы, кансультант, дырэктарка, палітык, бізнесмен
Месца працы	Hansabank[d] Тартускі ўніверсітэт
Узнагароды	Еўрапеец года[d] (2009) прэмія «Згода»[d] (2014)
Сайт	president.ee​(эст.) ​(англ.) ​(руск.)
Керсці Кальюлайд на Вікісховішчы

Керсці Кальюлайд (эст.: Kersti Kaljulaid; нар. 30 снежня 1969, Тарту) — эстонскі палітык, 3 кастрычніка 2016 года была абрана прэзідэнтам Эстоніі. Уступіла на пасаду 10 кастрычніка 2016 года.

Біяграфія

Дзяцінсктва і юнацтва

Нарадзілася 30 снежня 1969 года ў горадзе Тарту. У 1987 годзе скончыла Талінскую сярэднюю школу № 44, а ў 1992 — факультэт біялогіі Тартускага ўніверсітэта. У 2001 годзе атрымала ступень магістра дзелавога адміністравання ў Тартускім універсітэце.

Палітычная кар’ера

Была членам Эстонскага геннага фонду і членам куратараў Тартускага ўніверсітэта. З 2011 года ўзначальвае савет Тартускага ўніверсітэта.

У 1998—1999 гадах працавала кіраўніком праекта ў аддзеле банкаўскіх інвестыцый Hansapank Markets. У 1999 годзе была дарадцам па эканоміцы на той момант прэм’ер-міністра Эстоніі Марта Лаара.

У лютым 2002 года назначана кіраўніком аддзела кіраўніцкага ўліку электрастанцыі «Іру». У верасні 2002 года прызначана дырэктарам гэтай электрастанцыі.

З 2001 па 2004 год была сябрам партыі «Саюз айчыны».

З траўня 2004 года па верасень 2016 года працавала прадстаўніком Эстоніі ў Еўрапейскай падліковай палаце. З 2010 па 2014 год адказвала за методыку кантролю і гадавыя справаздачы. З 2014 года кіравала правядзеннем аўдыту па сельскай гаспадарцы і правядзеннем рэформы структуры палаты.

З верасня ўзначальвала ўтвораны пры канцылярыі Рыйгікогу савет па маніторынгу развіцця.

3 кастрычніка 2016 года па выніках выбараў Керсці Кальюлайд стала кіраўніком дзяржавы. Яна атрымала 81 голас, на месцы прысутнічала 98 дэпутатаў парламента з 101.

На чале дзяржавы

10 кастрычніка 2016 года Керсці Кальюлайд заступіла на пасаду Прэзідэнта Эстоніі. Яна стала першай жанчынай-прэзідэнтам у гісторыі краіны.

У снежні 2017 года Кальюлайд паведаміла, што плануе месяц працаваць у рускамоўнай Нарве, каб паказаць, што эстонская абшчына, эстонскае грамадства прысутнічае тут і шануе Нарву. У 2019 годзе Прэзідэнт Эстоніі падкрэсліла, што нізкі ўзровень валодання эстонскай мовай прывёў да таго, што ў буйных гарадах існуе сацыяльная ізаляцыя прадстаўнікоў рускай абшчыны. Паводле яе слоў, у краіны ёсць адзіная дзяржаўная мова, і перад Эстоніяй стаіць задача, каб усе выхаванцы ў дзіцячых садках і выпускнікі школ гаварылі па-эстонску.