Прэзідэнт Эстоніі
| Прэзідэнт Рэспублікі | |
|---|---|
| эст.: Vabariigi President | |
 штандар Прэзідэнта Рэспублікі | |
 Пасаду займае Алар Карыс з 11 кастрычніка 2021 | |
| Узначальвае | |
| Афіцыйная рэзідэнцыя | Presidential Palace[d] |
| Кандыдатура прапануецца | не менш за 1/5 членаў Рыйгікогу або мінімум 21 член калегіі выбаршчыкаў |
| Прызначаецца | абіраецца дэпутатамі Рыйгікогу ці членамі калегіі выбаршчыкаў |
| Тэрмін паўнамоцтваў | 5 гадоў, не больш за 2 тэрміны запар |
| Пасада з’явілася | 24 красавіка 1938 |
| Сайт | president.ee |
Прэзідэнт Эстонскай Рэспублікі (эст.: Eesti Vabariigi President) — глава Эстонскай Рэспублікі.
Паколькі паводле Асноўнага закона 1992 года Эстонія з’яўляецца парламенцкай рэспублікай, паўнамоцтвы прэзідэнта ў значнай ступені абмежаваны, ён не ўваходзіць у сістэму выканаўчай улады і з’яўляецца, галоўным чынам, сімвалічнай фігурай, якая выконвае прадстаўніцкія і розныя фармальна-юрыдычныя функцыі. Прэзідэнт не можа быць членам якой-небудзь палітычнай партыі і не можа займаць ніякую іншую выбарную ці прызначальную пасаду. Гэтыя абмежаванні накіраваны на забеспячэнне незалежнасці і палітычнай непрадузятасці прэзідэнта пры выкананні імслужбовых абавязкаў.
Абранне прэзідэнта праходзіць шляхам галасавання ў парламенце ці ў спецыяльнай калегіі выбаршчыкаў (у тым выпадку, калі ніводнаму з кандыдатаў не ўдаецца падчас трох тураў набраць патрэюную большасць у дзве траціны ад канстытуцыйнага складу Рыйгікогу). Прэзідэнт абіраецца тэрмінам на пяць гадоў, адна і тая ж асоба не можа быць абрана прэзідэнтам больш чым на два тэрміны запар.
Спіс прэзідэнтаў Эстоніі
[правіць | правіць зыходнік]- 24 красавіка 1938 — 21 чэрвеня 1940 — Канстанцін Пятс
- 6 кастрычніка 1992 — 8 кастрычніка 2001 — Ленарт Меры
- 8 кастрычніка 2001 — 9 кастрычніка 2006 — Арнольд Руйтэль
- 9 кастрычніка 2006 — 9 кастрычніка 2016 — Тоамас Хендрык Ільвес
- 10 кастрычніка 2016 — 11 кастрычніка 2021 — Керсці Кальюлайд
- З 11 кастрычніка 2021 — Алар Карыс
Рэзідэнцыя
[правіць | правіць зыходнік]
Рэзідэнцыя Прэзідэнта Рэспублікі размешчана ў Талінскім раёне Кадрыёрг недалёка ад Екацярынентальскага палаца з прылеглым паркавым комплексам і музея Куму. У гэтым жа будынку размяшчаецца канцылярыя Прэзідэнта Рэспублікі, якая ажыццяўляе матэрыяльна-тэхнічнае забеспячэнне дзейнасці главы дзяржавы.
Будынак быў збудаваны ў 1938 годзе па праекце архітэктара Алара Котлі. У часы савецкай улады ў гэтым будынку размяшчаўся Прэзідыум Вярхоўнага Савета ЭССР.
Спасылкі
[правіць | правіць зыходнік]
| 1938—1940 Канстанцін Пятс • 1992—2001 Ленарт-Георг Меры • 2001—2006 Арнальд Руйтэль • 2006—2016 Тоамас Хендрык Ільвес • 2016—2021 Керсці Кальюлайд • 2021— Алар Карыс | |