Конрад Віц

Конрад Віц
Дата нараджэння:	каля 1400
Месца нараджэння:	Ротвайль, раён Ротвайль[d], адміністрацыйная акруга Фрайбург[d], Бадэн-Вюртэмберг
Дата смерці:	1446 ці 1445
Месца смерці:	Базель, Кантон Базель-Штат, Швейцарыя
Бацька:	altarpiece[d]
Працы на Вікісховішчы

Святы Хрыстафор. каля 1435. Мастацкі музей. Базель

Конрад Віц (ням.: Konrad Witz, каля 1400, мяркуема Ротвайль, Бадэн-Вюртэмберг — 1445/1446, Базель або Жэнева) — нямецкі і швейцарскі мастак.

Біяграфія і творчасць

Пра яго жыццё да 1434 г. нічога не вядома. У 1434 г. ён увайшоў у гільдыю мастакоў Базеля. У 1435 г. стаў грамадзянінам гэтага горада. Магчыма, Віц альбо вучыўся ў нідэрландскіх майстроў, альбо здзейсніў падарожжа ў Нідэрланды, бо ў яго творах прасочваецца ўплыў мастакоў гэтай краіны. Вельмі верагодныя таксама кантакты з бургундскай скульптурнай школай, у тым ліку знаёмства з творчасцю Клаўса Слютэра. Самыя значныя творы Віца — алтарны вобраз «Люстэрка адкуплення чалавецтва», выкананы для Базельскага Аўгусцінскага кляштара і алтар жэнеўскага сабора Святога Пятра.

Творы Віца прадстаўлены ў музеях Базеля, Жэневы, Неапалю, Дыжона, Нюрнберга, Гента, Берліна, Нью-Ёрка.

Літаратура

• Беларуская энцыклапедыя: У 18 т. Т. 4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — 480 с.: іл. ISBN 985-11-0090-0 (т. 4), ISBN 985-11-0035-8, С.207