Леанард Феліксавіч Супрон

Леанард Феліксавіч Супрон
намеснік Міністра аховы здароўя БССР
1946 — 1947
рэктар Гродзенскага медыцынскага інстытута
1958 — 1962
Папярэднік	першы на пасадзе
Пераемнік	Дзмітрый Андреевіч Маслакоў
Адукацыя	Віцебскі дзяржаўны медыцынскі ўніверсітэт (1938)
Навуковая ступень	кандыдат медыцынскіх навук (1940)
Дзейнасць	медыцынскі адміністратар, выкладчык універсітэта, загадчык кафедры
Месца працы	Віцебскі дзяржаўны медыцынскі ўніверсітэт Беларуская медыцынская акадэмія паслядыпломнай адукацыі Гродзенскі дзяржаўны медыцынскі ўніверсітэт
Нараджэнне	24 лістапада 1910(1910-11-24)
Смерць	1 лістапада 1968(1968-11-01) (57 гадоў)
Пахаванне	Усходнія могілкі
Ваенная служба
Бітвы	Вялікая Айчынная вайна
Узнагароды

Леанард Феліксавіч Супрон (24 лістапада 1910 — 1 лістапада 1968) — беларускі арганізатар аховы здароўя. Кандыдат медыцынскіх навук (1940).

Біяграфія

Выпускнік Віцебскага медыцынскага інстытута (1938), дзе ў далейшым загадваў кафедрай санітарнай абароны (1939—1941).

Удзельнік Вялікай Айчыннай вайны, служыў начальнікам Хабараўскага эвакуацыйнага шпіталя Далёкаўсходняга фронту. Пасля дэмабілізацыі — дацэнт кафедры ваенна-медыцынскай падрыхтоўкі медыцынскага інстытута, затым Беларускага інстытута ўдасканалення ўрачоў, намеснік Міністра аховы здароўя БССР (1946—1947). Застаўся ў памяці як арганізатар і першы дырэктар (рэктар) Гродзенскага медыцынскага інстытута (1958—1962).

Пахаваны на Усходніх могілках г. Мінска (Беларусь), участак № 3, шэраг 15, магіла 31.

Навуковая дзейнасць

Аўтар звыш 40 навуковых прац, у тым ліку манаграфія «Медыцынскае забеспячэнне насельніцтва ва ўмовах прымянення сродкаў масавага паражэння» (1959).

Узнагароды

Узнагароджаны ордэнам Працоўнага Чырвонага сцяга, шматлікімі медалямі.