Леанід Васільевіч Анфімаў

Леанід Васільевіч Анфімаў
Старшыня Камітэта дзяржаўнага кантролю Беларусі
з 19 жніўня 2014
Прэм’ер-міністр	Андрэй Кабякоў Сяргей Румас
Прэзідэнт	Аляксандр Лукашэнка
Папярэднік	Аляксандр Якабсон
Адукацыя	Механіка-тэхналагічны факультэт БНТУ (1977) Беларускі дзяржаўны інстытут народнай гаспадаркі імя В. У. Куйбышава (1988)
Месца працы	Мінскі аўтамабільны завод
Нараджэнне	11 красавіка 1954(1954-04-11) (65 гадоў) Сіма[d], Юр'еў-Польскі раён[d], Уладзімірская вобласць, РСФСР, СССР

Леанід Васільевіч Анфімаў (11 красавіка 1954, с. Сіма Юр’еў-Польскага раёна Уладзімірскай вобласці) — дзяржаўны дзеяч Беларусі.

Біяграфія

Скончыў Беларускі палітэхнічны інстытут (1977), Беларускі дзяржаўны інстытут народнай гаспадаркі імя. В. У. Куйбышава (1988 г.). З 1977 па 1984 год працаваў на розных пасадах на Мінскім аўтамабільным заводзе. З 1984 па 1986 год з’яўляўся інструктарам прамыслова-транспартнага аддзела Заводскага раённага камітэта КПБ г. Мінска. У 1986-1989 гадах — намеснік старшыні планавай камісіі выканкама Мінскага гарадскога Савета народных дэпутатаў. У 1989-1991 гадах узначальваў творча-вытворчае аб’яднанне «Дызайн». З 1991 г. па 2001 працаваў на розных пасадах у Мінскім гарвыканкаме. З 2001 па 2003 год — начальнік галоўнага ўпраўлення кантролю за банкаўскай сістэмай і рынкам каштоўных папер Камітэта дзяржаўнага кантролю. У 2003-2004 гадах — дырэктар Дэпартамента фінансавага маніторынгу Камітэта дзяржаўнага кантролю.

У 2004—2005 гадах з’яўляўся першым намеснікам старшыні Мінскага гарвыканкама. З 2005 па 2006 год — намеснік Старшыні Камітэта дзяржаўнага кантролю. У 2006—2010 гадах працаваў на пасадзе намесніка Кіраўніка Адміністрацыі Прэзідэнта Рэспублікі Беларусь. З снежня 2010 па кастрычнік 2014 года — першы намеснік Старшыні Камітэта дзяржаўнага кантролю Рэспублікі Беларусь.

14 кастрычніка 2014 года прызначаны Старшынёй Камітэта дзяржаўнага кантролю Рэспублікі Беларусь.

Спасылкі

• Старшыня Камітэта дзяржаўнага кантролю Рэспублікі Беларусь Анфімаў Леанід Васільевіч