Леанід Канстанцінавіч Шулаеў

Леанід Канстанцінавіч Шулаеў
Дата нараджэння	1 студзеня 1948(1948-01-01) (76 гадоў)
Месца нараджэння	Ковель, Валынская вобласць, УССР, СССР
Альма-матар	БПІ (1972)
Месца працы	Мінскпраект ІБіА Дзяржбуда БССР Белжылпраект Дзіпрасельбуд
Член у	Саюз архітэктараў СССР Беларускі саюз архітэктараў

Леанід Канстанцінавіч Шулаеў (1 студзеня 1948, г. Ковель, Валынская вобласць) — беларускі архітэктар.

Біяграфія

Скончыў Беларускі політэхнічны інстытут у 1972 годзе. Працаваў у Мінскпраекце, ІБіА Дзяржбуда БССР, у Белжылпраекце, з 1981 года — старшы навуковы супрацоўнік БелНДІдзіпрасельбуда.

Член Саюза архітэктараў СССР з 1977 года. Пражывае ў Мінску.

Творчасць

Свята-Успенская царква ў Крупіцы

Свята-Раства-Багародзіцкая царква ў Тарасаве

Асноўныя працы (у аўтарскім калектыве): ПДП жылога раёна Зялёны Луг-6, 7 (1973), комплексная схема арганізацыі камунальна-складской гаспадаркі (1974) у Мінску, прафілактычны корпус радзільні ў Барысаве (1978), серыя аднапавярховых аднакватэрных жылых дамоў з вырабаў Слуцкага будкамбіната (1982), Свята-Успенская царква ў Крупіцы, Свята-Раства-Багародзіцкая царква ў Тарасаве (1997—2001).

Узнагароды

Дыплом на Міжнародным студэнцкім конкурсе ў г. Варна (1972).

Літаратура

• Шулаев Леонид Константинович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)