Леанід Іванавіч Пранчак

З пляцоўкі Вікіпедыя
(Пасля перасылкі з Леанід Пранчак)
Перайсці да: рух, знайсці
Леанід Іванавіч Пранчак
Асабістыя звесткі
Дата нараджэння:

12 лістапада 1958(1958-11-12) (58 гадоў)

Месца нараджэння:

в. Пранчакі, Ляхавіцкі раён, Брэсцкая вобласць

Літаратурная дзейнасць
Род дзейнасці:

Леанід Іванавіч Пранчак (12 лістапада 1958, в. Пранчакі, Ляхавіцкі раён, Брэсцкая вобласць) — беларускі паэт.

Біяграфія[правіць | правіць зыходнік]

Нарадзіўся 12 лістапада 1958 г. ў вёсцы Пранчакі Ляхавіцкага раёна Брэсцкай вобласці ў сялянскай сям'і.

Скончыў факультэт журналістыкі Беларускага дзяржаўнага ўніверсітэта (1981). Пасля заканчэння ўніверсітэта — малодшы рэдактар Магілеўскага абласнога радыё. З 1983 г. — у Рэспубліканскім штабе студэнцкіх атрадаў.

Пазней вучыўся з аспірантуры Інстытута сусветнай літаратуры АН СССР, працаваў у тэатры-студыі «Верасы», дзяржаўным канцэртным аркестры Беларусі. У 1994—1995 гадах — уласны карэспандэнт газеты «Рэспубліка» ў ЗША. У 1997-? гадах — мастацкі кіраўнік Тэатра-студыі беларускай эстрады.

Творчасць[правіць | правіць зыходнік]

Першы верш апублікаваў у 1973 г. (газета «Піянер Беларусі»). Сааўтар калектыўнага зборніка вершаў «Лагодны прамень раніцы», 1988), аўтар кніг вершаў «Першапутак» (1988), «Дзяўчына беларуска» (1993), мастацка-дакументалньай кнігі «Беларуская Амерыка» (1994), кнігі выбраных вершаў «Біблія для каханай» (2000).

Перакладае з польскай, расійскай і ўкраінскай моў. Паэтычны твор Леаніда Пранчака «Афрыканская вандроўка» — у аснове мюзікла «Афрыка», музыку да якога напісаў вядомы кампазітар Уладзімір Кандрусевіч.

Больш за 200 вершаў паэта пакладзены на музыку. Найбольш вядомы з іх «Даставай Язэп гармонік», «Пад зоркай Пагоні», «Каля Чырвонага касцёла», «Адзінокая жанчына», «Жыве Беларусь!», «Сумны саксафон», «Паклонніца», «Талака», «Цёмная пані», «Каханая» і інш.

Член Саюза Пісьменнікаў СССР з 1989 года.

Зноскі

Спасылкі[правіць | правіць зыходнік]