Легіён «Вірыятас»

Легіён «Вірыятас»
Гады існавання	1936 — 1939
Краіна	Партугалія
Падпарадкаванне	Zona sublevada[d]
Тып	воінскае фарміраванне
Колькасць	ад 8 да 12 тысяч прайшло за ўвесь час
Дыслакацыя	Франкісцкая Іспанія
Удзел у	Грамадзянская вайна ў Іспаніі

Легіён «Вірыятас» (парт.: Legião Viriato) — агульная назва для партугальскіх добраахвотнікаў, якія ўдзельнічалі ў 1936—1939 гадах у грамадзянскай вайне ў Іспаніі на баку генерала Франсіска Франка. Назва легіён атрымаў у гонар легендарнага лузітанскага правадыра Вірыята, які абараняў землі свайго племя ад заваёвы рымлянамі.

Гісторыя

Адразу пасля пачатку грамадзянскай вайны ў Іспаніі ў ліпені 1936 года іспанскія нацыяналісты на чале Франка атрымалі дапамогу, у тым ліку ваенную з боку Трэцяга Рэйха і Фашысцкай Італіі, а таксама Партугаліі на чале з Салазарам. Праз партугальскія парты ў Іспанію дастаўлялася ўзбраенне, ваенная тэхніка і іншыя матэрыялы. Акрамя таго, партугальскія ўлады вырашылі аказаць нацыяналістам і ваенную дапамогу

У першыя тыдні вайны ў партугальскай арміі паспрабавалі сфармаваць Легіён «Вірыятас» для дапамогі Франка. Але спроба правалілася і легіён быў распушчаны да таго змог прыняць удзел у баявых дзеяннях, так як пра-рэспубліканскія выступленні ў Партугаліі пераканалі ўрад, што прамое ўмяшанне на баку нацыяналістаў можа прывесці да хваляванняў ўнутры краіны. У выніку, было вырашана накіраваць партугальскіх добраахвотнікаў ваяваць у Іспанію паасобку. З-за шырокага распаўсюджвання рэкламы легіёну ўсіх партугальскія добраахвотнікаў, якія пасля былі залічаны непасрэдна ў Замежны легіён і карлісцкае апалчэнне, былі вядомыя як Вірыятас.

Частка партугальцаў ўступіла ў Іспанскі легіён (больш за 850 чалавек), некаторыя ваявалі ў шэрагах Рэгуларэс і Іспанскай фалангі. Партугальскія добраахвотнікі прымалі ўдзел, у прыватнасці, у Брунецкай аперацыі. Былі таксама 3 групы партугальскіх лётчыкаў, якія ўступілі ў іспанскую авіяцыю.

З 1937 года ў Іспаніі прысутнічала Партугальская ваенная назіральная місія, у якую ўваходзілі прадстаўнікі ўсіх трох галін Партугальскіх Узброеных Сіл: сухапутных, ваенна-марскіх і ваенна-паветраных. Задачы місіі заключаліся ў абароне інтарэсаў партугальскіх добраахвотнікаў і збору інфармацыі.

Колькасць

Дакладных дадзеных аб колькасці партугальскіх добраахвотнікаў, якія ваявалі ў Іспаніі на баку Франка няма. Гісторык Крыстафер Отэн сцвярджаў, што іх было каля 8000. Брытанскі гісторык Энтані Бівар называў іншую лічбу, каля 12 000 чалавек.