Леў Ісакавіч Кантаровіч

Леў Ісакавіч Кантаровіч
Дата нараджэння	18 жніўня 1903(1903-08-18)
Месца нараджэння	Любонічы, Бабруйскі павет, Мінская губерня, Расійская імперыя
Дата смерці	30 кастрычніка 1958(1958-10-30) (55 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	урач
Навуковая сфера	акушэрства і гінекалогія
Месца працы	Беларускі медыцынскі інстытут
Навуковая ступень	доктар медыцынскіх навук
Навуковае званне	full professor[d]
Альма-матар	БДУ (1928)

Леў Ісакавіч Кантаро́віч (18 жніўня 1903 — 30 кастрычніка 1958) — вучоны ў галіне акушэрства і гінекалогіі, доктар медыцынскіх навук (1948), прафесар.

Біяграфія

Нарадзіўся ў вёсцы Любонічы (сучасны аграгарадок Любонічы ў Кіраўскім раёне Магілёўскай вобласці Беларусі). У 1928 годзе скончыў Беларускі дзяржаўны ўніверсітэт. З 1930 года на кафедры акушэрства і гінекалогіі ў Мінскім медыцынскім інстытуце. Удзельнік Вялікай Айчыннай вайны.

Памёр у Мінску. Пахаваны на Усходніх (Маскоўскіх) могілках.

Навуковая дзейнасць

Л. І. Кантаровічу належаць навуковыя працы па праблемах плацэнтарнай крыві, пазаматачнай цяжарнасці. Сярод апублікаванага:

• Плацентарная кровь и применение ее для целей переливания в акушерстве и гинекологии. — Мн., 1940.;
• Клиника внематочной беременности — Мн. 1936. (разам з В. Н. Шатэрнікам);
• Переливание крови в акушерской практике / Под ред. Л. С. Персианинова — Мн., 1963.

Літаратура

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн.: БелЭн, 1998. — 604 с.: іл. ISBN 985-11-0130-3 (т. 7), ISBN 985-11-0035-8 — С. 604.

Спасылкі

• Кафедра акушерства и гинекологии. История.(руск.)  // Беларускі дзяржаўны медыцынскі ўніверсітэт