Лось (грыб)

Лось (грыб)
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Парадак:  Тэлефоравыя Сямейства:  Bankeraceae Род:  Саркадон Від:  Лось (грыб)
Міжнародная навуковая назва
Sarcodon imbricatus (L.) P.Karst., 1881
Сістэматыка на Віківідах Выявы на Вікісховішчы NCBI   57136 EOL   1007251 MB   414481

Лось, таксама Саркадон чарапіцавы, курачка, пеўнік (Sarcodon imbricatus) — шапкавы базідыяльны грыб роду Саркадон (Sarcodon) парадку тэлефоравыя.

Сінонімы

• Hydnum imbricatum L. basionym
• Fungus imbricatus (L.) Paulet
• Phaeodon imbricatus (L.) J.Schröt. і інш.

Назва

Лось, саркадон чарапіцавы, скепнік, курачка, пеўнік, вожычнік стракаты, еж, ёж, ёжык, кошка, кот, каза, козка, лашавік, смалюга, кабыла, паддубнік, лосік, мышак, ласёвік, ласёвы грыб, сямірога, скепанка, пеўнік, петушок, пеўнік стракаты, пупач, цяцера, казёл, мядзведзь, ёршык, вожык, рэпаны, сіняпуха, зайцаў грыб, васіль, голуб, сівуля.

Апісанне

Пладовае цела грыба — шапка на ножцы. Шапка дыяметрам 3—20 см, сухая, бураватая і чорна-бурая, укрытая буйнымі завостранымі лускавінкамі, размешчанымі накшталт чарапіцы. Мякаць шчыльная, гаркаватая на смак, брудна-шараватая. Гіменафор шыпападобны. Ножка амаль цыліндрычная, суцэльная і гладкая, даўжынёй да 8 см. Ножка аднаго колеру з шапкай грыба, часам з лёгкім фіялетавым адценнем.

Распаўсюджанне

Пашыраны ў лясных зонах Еўразіі і Паўночнай Амерыкі. На тэрыторыі Беларусі трапляецца ўсюды. Расце ў сухіх, пераважна хваёвых лясах. Плоданосіць у жніўні—лістападзе. Ядомы.

Літаратура

• Энцыклапедыя прыроды Беларусі. У 5-і т. Т. 2. Гатня — Катынь / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 522 с. — 10 000 экз. — С. 209.
• Беларуская энцыклапедыя: У 18 т. Т. 9: Кулібін — Малаіта / Рэдкал.: Г. П. Пашкоў і інш. — Мн. : БелЭн, 1999. — Т. 9. — С. 348. — 10 000 экз. — ISBN 985-11-0035-8. — ISBN 985-11-0155-9 (т. 9).
• Сержанина Г. И., Змитрович И. И. Макромицеты. Иллюстрированное пособие для биологов (руск.) / Под ред. Н. А. Дорожкина. — Мн.: Вышэйшая школа, 1978. — С. 53. — 192 с. — 60 000 экз.

Спасылкі

• Ежовик пёстрый, или саркодон черепитчатый, или саркодон пёстрый, или ежовик чешуйчатый, или ежовик черепитчатый, или колчак, или курочка, или ястреб — Sarcodon imbricatum (Fr.) Karst. // Экологический центр «Экосистема»™ (руск.)