Людміла Васільеўна Казлоўская

Людміла Васільеўна Казлоўская
Дата нараджэння	28 лістапада 1936(1936-11-28)
Месца нараджэння	Бабчын, Стралічаўскі сельсавет, Хойніцкі раён, БССР, СССР
Дата смерці	17 лістапада 2020(2020-11-17) (83 гады)
Грамадзянства	СССР  Беларусь
Род дзейнасці	вучоная
Навуковая сфера	эканоміка
Месца працы	геаграфічны факультэт БДУ Інстытут эканомікі НАН Беларусі
Навуковая ступень	доктар эканамічных навук (1983)
Навуковае званне	прафесар (1989)
Альма-матар	БДУ Інстытут эканомікі НАН Беларусі
Узнагароды	Грамата Прэзідыума Вярхоўнага Савета БССР (1981) Грамата Прэзідыума Вярхоўнага Савета БССР (1983) Грамата Міністэрства адукацыі Рэспублікі Беларусь (2001) Ганаровая грамата Міністэрства адукацыі Рэспублікі Беларусь (2006) Ганаровая грамата Вышэйшай атэстацыйнай камісіі Рэспублікі Беларусь[d] (2001)
Медыяфайлы на Вікісховішчы

Людміла Васільеўна Казлоўская (28 лістапада 1936, в. Бабчын, Хойніцкі раён, Гомельская вобласць — 17 лістапада 2020) — беларуская эканамістка. Доктар эканамічных навук (1983), прафесар (1989).

Біяграфія

Скончыла Беларускі дзяржаўны ўніверсітэт (спецыяльнасць «Фізічная геаграфія», 1958), Інстытут эканомікі АН БССР (аспірантура, 1965).

Працавала ў Інстытуце эканомікі АН БССР (1965—1988, у 1980—1983 — загадчык сектара, з 1983 — намеснік дырэктара па навуковай рабоце), Беларускім дзяржаўным універсітэце (1988—2015, геаграфічны факультэт, кафедра эканамічнай геаграфіі Беларусі і дзяржаў Садружнасці, прафесар, у 1988—2002 — загадчык кафедры).

Навуковыя інтарэсы: рэгіянальная эканоміка; тэрытарыяльная арганізацыя прамысловасці; тэрытарыяльная арганізацыя грамадства.

Узнагароды

Граматы Вярхоўнага Савета Беларускай ССР (1981, 1983), грамата Міністэрства адукацыі Рэспублікі Беларусь (2001, 2006), Вышэйшай атэстацыйнай камісіі Рэспублікі Беларусь (2001), нагрудны значок «Выдатнік адукацыі Рэспублікі Беларусь» (1996).

Літаратура

• Казло́ўская Людміла Васілеўна // Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш. — Мн. : БелЭн, 1998. — Т. 7. — С. 431. — 10 000 экз. — ISBN 985-11-0035-8. — ISBN 985-11-0130-3 (т. 7).