Марыя Гжэгажэўская
Марыя Гжэгажэўская | |
---|---|
польск.: Maria Stefania Grzegorzewska | |
Імя пры нараджэнні | польск.: Maria Stefania Grzegorzewska |
Род дзейнасці | псіхолаг, выхавальніца, выкладчыца ўніверсітэта |
Дата нараджэння | 18 красавіка 1888[1][2] |
Месца нараджэння | |
Дата смерці | 7 мая 1967[1][2] (79 гадоў) |
Месца смерці | |
Месца пахавання | |
Грамадзянства | |
Месца працы | |
Альма-матар |
|
Узнагароды і прэміі | |
Медыяфайлы на Вікісховішчы |
Мары́я Гжэгажэ́ўская (польск.: Maria Grzegorzewska; 18 красавіка 1888 — 7 мая 1967) — польская асветніца, якая папулярызавала ў Польшчы рух спецыяльнай педагогікі. Нарадзілася ў сям’і з Жамойці, і праз сваіх бацькоў падвергнулася моцнаму ўплыву гуманітарызма. Пасля наведвання падпольных школ, каб атрымаць адукацыю па-польску, яна працягнула адукацыю ў Ягелонскім універсітэце ў Кракаве, а ў 1913 годзе далучылася да сваёй зямлячкі Юзэфы Ятэйкі ў Бруселі, каб навучацца на Міжнародным педалагічным факультэце. Калі навучанне ў Бельгіі перапынілася праз Першую сусветную вайну, Гжэгажэўская накіравалася ў Парыж, дзе атрымала ступень доктара навук у Сарбоне ў 1916 годзе.
Пасля стварэння Другой польскай рэспублікі ў 1918 годзе Гжэгажэўская вярнулася ў Польшчу, маючы намер стварыць праграмы, якія б адпавядалі патрэбам дзяцей-інвалідаў, і правесці адукацыйныя рэформы дзеля паляпшэння іх жыцця. У 1919 годзе яна пачала працаваць у Міністэрстве рэлігійных спраў і народнай адукацыі, стварыўшы ўстановы догляду дзецяй-інвалідаў, школы спецыяльнай педагогікі і навучальныя праграмы для настаўнікаў. Выкарыстоўваючы ўласную метадалогію, яна распрацавала навучальны план, які ў 1922 годзе быў рэалізаваны ў Дзяржаўным інстытуце спецыяльнай педагогікі. Дзяячка кіравала гэтым інстытутам ад яго заснавання па сваю смерць.
Падчас Другой сусветнай вайны Гжэгажэўская працавала медыцынскай сястрой, актыўна ўдзельнічала ў польскім руху супраціву і выкладала ў Варшаве. Далучылася да Жэготы і аказвала дапамогу яўрэям. У 1957—1960 гадах працавала штатным прафесарам Варшаўскага ўніверсітэта. Яе праца ў галіне навукі і польскай сістэмы адукацыі была адзначана шматлікімі ўзнагародамі і адзнакамі.
Зноскі
- ↑ а б Deutsche Nationalbibliothek Агульны нарматыўны кантроль — 2012—2016. Праверана 15 кастрычніка 2015.
- ↑ а б Bibliothèque nationale de France Maria Grzegorzewska // data.bnf.fr: платформа адкрытых даных — 2011.
Спасылкі[правіць | правіць зыходнік]
- Марыя Гжэгажэўская. PWN.
- Асобы
- Нарадзіліся 18 красавіка
- Нарадзіліся ў 1888 годзе
- Нарадзіліся ў Лодзьскім ваяводстве
- Памерлі 7 мая
- Памерлі ў 1967 годзе
- Памерлі ў Мазавецкім ваяводстве
- Пахаваныя на Паванзкоўскіх могілках
- Выкладчыкі Варшаўскага ўніверсітэта
- Выпускнікі Ягелонскага ўніверсітэта
- Выпускнікі Парыжскага ўніверсітэта
- Кавалеры ордэна Будаўнікоў Народнай Польшчы
- Камандоры ордэна Адраджэння Польшчы
- Афіцэры ордэна Адраджэння Польшчы
- Узнагароджаныя медалём «10-годдзе Народнай Польшчы»
- Педагогі Польшчы